Ocean Bay (已結業)

星期日约定左一大班朋友去赤柱郊游, 打算系赤柱食午餐后先出发, 上openrice search左一轮, 最后扑搥Ocean Bay, 因为佢系正赤柱大街, 兼且对正无敌靓海景, 加上又容易揾吖嘛! 成班数十人, 要预早两日前订枱呢! 由于天气麻麻地既关系, 我地特地要求安排坐室内, 点知甘都出事㖞…好大油烟系屋顶喷出, 真系大杀风景, 希望餐厅可以系呢方面改善一下, 甘就very good嘞!餐厅有set lunch食, 每份HKD138加一, 包一杯饮品。 我地每人各自order一份, 我拣左“大厨特色烤肉排”, 个肉排好大份, 烤得好靓, 个个见, 个个赞! 肉质酸酸甜甜的, 好松化, 食落有d似京都肉排或金沙肉排甘惹味!其他朋友order既set lunch计有烧肉眼牛扒(一样甘大份，件牛扒仲系厚切，听讲啖啖肉劲juicy)、巨型汉堡(一睇就知劲到无朋友)、鸭沙律、海南鸡(听讲肉质鲜嫩)、沙嗲串烧米粉等等, 听讲都唔错呢!