亀井鮨 (已結業)

1/5 开始全场食品8折优惠，咁抵当然要入去食。听讲，亀井鮨系开业超过百年的日本老店，香港是在外地的第2间海外分店，过江龙餐厅应该都有番咁上下水准。时令鱼薄切采用时令嘅新鲜鱼，加上师傅精湛嘅刀功，片片鱼生都薄到晶莹剔透。今次系深海池鱼，肉质鲜嫩肥美，口感清爽，加上秘制酸醋汁，更加带出鱼生嘅鲜甜。极上寿司盛豪华嘅寿司盛合，12款唔同嘅寿司，除咗牡丹虾、穴子、油甘鱼等之外，焦点当然系粉嫩肥美嘅大拖拿同甘甜细腻嘅日本海胆，食得出食材嘅新鲜，同师傅细心嘅处理。霜烧海鲜丼海鲜丼上嘅三款鱼生都经过炙烧，提升咗食材嘅香气同埋口感嘅层次。肥美嘅三文鱼腹、帆立贝同左口鱼裙边，都爆发出鱼油嘅香气，入口即溶。店员话餐厅除了使用各地空运到港的刺身食材，于香港分店首次加入了本地元素，部分料理使用香港本地海鲜制成🇭🇰🇭🇰🇭🇰加洲卷非常为人熟悉嘅卷物，青瓜、牛油果、蟹柳再加上蛋黄酱，包裹系香脆嘅紫菜同饱满嘅白饭入面，经典但每次都咁好食。