B家닭갈비 (已結業)

难得放几日假....朋友话之前上网见到介绍呢间 B家닭갈비，就想去试试。但系位置比较唔方便，３个地铁站都可以行过黎（太子、旺角同奥运），路程话远唔远，话近又唔近。去到门口，都有少量人系到排队，我地都等左20分钟，先可以入坐。不过地方宽敞，坐得舒服。坐位下面仲有储物空间，可以比食客放手袋同外套一坐低，店员会比３款前菜：青瓜、泡菜、芽菜。芽菜系我大爱嘅前菜，我仲叫店员fill左几次之后我地叫左2人部队锅 同B家辣炒鸡，仲叫多个明太子鸡翼同半只原味炸鸡。明太子鸡翼鸡翼有甜甜嘅烧汁味，咬一啖，就会见到入面有好多好多明太子。明太子味道有啲咸，好在有甜嘅烧汁中和反。半只原味炸鸡($88)炸鸡有６件，皮脆肉嫩。入面仲好JUICY，所以食时要小心，唔系好易会烫到咀。2人部队锅 ($208)部队锅份量都唔少，有鸡、豆腐、午餐肉、冬菇、年糕、肠仔、野菜、茄汁豆、芝士肠。鸡肉嫩滑，但得几件豆腐同杂菜吸左部队锅嘅汤，真系好好味。而年糕口感烟韧，又饱肚。B家辣炒鸡($188)最后到B家辣炒鸡，系店员极力推介，入面有鸡、野菜、年糕、薯仔、红萝卜、墨鱼仔。呢个都系２人份量，睇落好大份，但炒完就得返好细份墨鱼仔好新鲜