Italian Tomato Café (創紀之城五期(apm))

营业中

休息中

今晚我们喺观塘apm戏院睇完戏之后去咗「Italian Tomato Cafe」食晚饭！我们叫咗个二人套餐：首先店员畀咗个忌廉汤我们，但一见到我们就已经觉得吓亲，因就算唔驶饮落去，都感觉到个汤系有几咁稀，味道当然系淡而无味啦，真系令到我们觉得相当失望呀！秘制酱烤猪仔骨配薯条「全份」嘅肉质好松化软滑，而且真系好大份，但所谓系秘制嘅酱汁就认真麻麻，因食落祇系感觉到酸味，完全唔觉得有咩咁特别秘制，至于薯条都算炸得几香脆！厨师薄饼嘅饼底好薄身，饼边亦几脆，但中间嘅位置就极之韧，要好艰难先可以咬开，至于材料就唔算太过丰富，祇系芝士嘅份量比较多，所以感觉比较腻！另外我们再单叫咗香蒜香柏士图意式风干火腿意粉，但可以话系油浸意粉，因食第一啖已经成口都系油，感觉系超级油腻！去到最后嚟嘅跟餐甜品：士多啤梨芒果蛋糕同蓝莓芝士挞系全晚咁多样嘢食之中，我们比较满意，因蛋糕嘅质感非常香滑软绵，顶层除咗有芳香软滑嘅忌廉之外，仲有鲜甜嘅士多啤梨，喺蛋糕中间层仲有香甜嘅芒果，夹埋一齐嚟食，真系超正呀！而芝士挞嘅挞皮有好香浓嘅牛油香味，芝士味亦好够浓郁，但唔会过腻，而且顶层仲舖咗超多嘅蓝莓喺面，真系好正呀！