Italian Tomato Café (MOSTown新港城中心) (已搬遷) 新店位置

二月某日行到攰，想揾个地方坐低饮杯野hea阵，老麦经济实惠啲，但又人多，于是就走左过黎呢间抖阵，饮杯野，食个轻tea。叫左个蓝莓忌廉多士，真系好难食，去大x乐果啲食个茶餐西多士都无咁嬲。炸得太干身，dry 得黎谂住点下cream啦，但啲cream 阵味又劲怪咁。上面几粒蓝莓又劲酸。成个多士都好难食。我同男友食左一半顶唔顺放弃。建议俾枫糖或者朱古力酱，俾客人选择。个面吱得太少朱古力酱，完全唔够。应该系期间限定既栗子系列，叫左呢杯栗子牛奶，又系好失望。个面成吋泡之余，栗子味又淡，但又mix 埋牛奶，成件事加埋感觉饮完会肚痛咁。一句讲晒 好难饮。又系饮左半杯放弃。泡都占左三份一杯，终于饮到液体果层，系淡而无味既假栗子味。失望。