浦和日本料理 (已結業)

有朋友生日,都唔知去边度食好,就问下其他friend,有乜好介绍啦,谂咗几间之后,就决定去哩间食放题喇!原来早几日订枱,系有鲍鱼送嫁,我地仲谂,每人大约二百蚊食放题之余仲有鲍鱼送,我地6个人仲谂,送嘅未必好嘢!但去到之后,见到事实同味道,真令我地本住送嘅冇好嘢心态,即刻打消,虽然系街市果d九孔鲍,但味道好,特别系个鲍鱼汁,真系好好味呀!其他食物我地一致好评,(可惜果日挂住食,冇影相!)饮品又任饮㖞,其他食放题未必有任饮,食食下我地仲叫多两个friends嚟,但佢地两个就冇鲍鱼送喇,咁我地就问番可唔可以送另外d嘢比我两个friends啦,经理话要问问大厨㖞,底赞嘅大厨二话不说,就应承送焗蚝,我地梗系开心啦,仲觉得佢地好重视我地d食客,如果唔系点留住d客呀!但我真系唔系好明,点解其他食评讲到哩间嘢咁差,以我地8个人,都会再去食啰!