影片
更多
2010-05-31
47 浏览
爸爸生日去食buffet庆祝, 因为咁啱有张6折coupon, 如果唔系我一定唔会去食, 因为富豪集团出名麻麻, 果然不出所料.....................未够7点去到, 见到周围已经排哂队, 好多人已经开始食, 我地都急不及待放低袋就去巡视下.............发现食物种类同数量都系好少, 似百零至二百零蚊果d buffet, 呢度话哂都系$358/位(正价, 未计加一), 点会咁少野食架,,,,,,,,,?? 就系因为太少关系, 差不多试匀所有我想食的食物, 绝对冇一样值得加许............... 冷盘 青口-> 见佢发育不良, 冇食 蟹脚 -> 冇味, d肉痴壳 翡翠螺 -> 超大只, 但可惜好多沙 虾 -> 几大只, 都算爽口 鱼生 -> 得三文鱼, 八爪鱼, 立鱼, 只食过三文鱼, 都几厚切, 但每次只比3块 寿司 -> 好似冇乜款, 又系d cheap cheap款 汤 面豉汤 蕃茄薯仔汤2样都冇兴趣, 想饮中汤又冇热盘 烧牛肉 -> d肉地好假, d纤维痴埋一旧, 好似食熏蹄, d肉好红
未够7点去到, 见到周围已经排哂队, 好多人已经开始食, 我地都急不及待放低袋就去巡视下.............发现食物种类同数量都系好少, 似百零至二百零蚊果d buffet, 呢度话哂都系$358/位(正价, 未计加一), 点会咁少野食架,,,,,,,,,?? 就系因为太少关系, 差不多试匀所有我想食的食物, 绝对冇一样值得加许...............
冷盘
青口-> 见佢发育不良, 冇食
蟹脚 -> 冇味, d肉痴壳
翡翠螺 -> 超大只, 但可惜好多沙
虾 -> 几大只, 都算爽口
鱼生 -> 得三文鱼, 八爪鱼, 立鱼, 只食过三文鱼, 都几厚切, 但每次只比3块
寿司 -> 好似冇乜款, 又系d cheap cheap款
汤
面豉汤
蕃茄薯仔汤
2样都冇兴趣, 想饮中汤又冇
热盘
烧牛肉 -> d肉地好假, d纤维痴埋一旧, 好似食熏蹄, d肉好红, 但见唔到一滴血, 真神奇
烧羊仔脾 -> 唔膻, 因为连肉味都冇
鱼汤浸什菜 -> 都唔觉有鱼汤味
蒸蛋 -> 老咗, 见到有 "豆皮"
日式白面豉烧蚝 -> 有波菜底, 面有好细只的蚝, 面果pet白面豉酱咸到死, 又烧得唔够香
其他仲有扁意粉, 印度牛肉, 印度薄饼................
选择唔多, 十样左右, 又唔吸引
其他
叉烧 -> 好瘦, 好un, 又唔够蜜糖
卤水鹅 -> 超肥
卤水牛肚 -> 林到冇牙都食到
豉油鸡 -> 有色冇味
天妇罗 -> 冇炸虾, 得茄子+三色灯笼椒, 热食都ok, 几脆口, 但见佢好似放好耐都冇人夹
仲有艇仔粥, 白饭等...........
甜品
雪糕 -> 系moovenpick(唔记得点串) 最正系呢个, 有over 10款味, 你可以一次过要哂, 不过食到唔知自己食紧咩味, 同埋溶得好快............
糖水 -> 芝麻糊(淡如水), 杨枝甘露(甜到死), 豆腐花(都滑, 不过冇乜豆香味)
cake类 -> 冇cheese cake, 但有其他唔知乜cake, 味道一般
生果 -> 菠萝(好甜), 西瓜(一般), 哈蜜瓜(冇味), 火龙果(酸酸地)
葡达 -> 唔错, 但可惜冻咗
pancake -> 即叫即整, 但d粉浆唔得lor..........一d都唔似pancake, 而且生果好少款比你选
仲有其他甜品, 真系甜到你死, 一系酸到你晕..............
饮品
咖啡or奶茶or柠茶/水 -> 自己冲啦~~ 但d冰成日都冇...........
实在太少种类, 又冇汽水, 如果要就加钱啦~~
当然仲有其他汤粉面及芝士, 面包頪, 但本人不感兴趣, 冇试过..................no comments~
由于太open, 坐到差不多走时, 双眼非常辛苦, 不停标眼水, 又涩, 因为太大油烟, 又焗, d位又逼..........下次就算唔驶钱都要考虑下, 因为真系冇野好食.............但都唔知点解仲咁多人, 不过我见大部份都用coupon, 就算冇, 好多credit card都有discount, 但以呢个价钱, 响其他地方食到, 相信好过呢度多多声..................
张贴