章魚燒大師 (已搬遷) 新店位置

呢间章鱼小丸子应该好多屯门人都会知，因为可以系个咗偏僻既位都有咁多人排队食，真系好癫，但之前见到佢地话要执我超唔开心，咁难得屯门有间咁高质既小丸子…点知有日行过见到佢竟然开返，即刻同朋友买左盒黎食，而且我地都有问老板点解话执但又开返，佢解释话系拆左伙，之后会继续开。听到会继续开我就无再追问落去。至于重开之后味道有无改变呢？我觉得分别唔大，但无一开始咁好食。不过无咁好食都唔系重开之后既事，而系变大粒之后。因为第一次食𠮶时粒小丸子系外脆内软，无论味道定口感都一流，而且配料方面落得超大方，性价比好高！我觉得重好食过去大阪食，因为正宗大阪𠮶种系成粒都比较淋，无外脆内软既效果，老板可能为左就香港人口味所以改左呢样野，我觉得好正！但唔记得几时开始有得变大革命，每粒小丸子大粒左，但价钱亦贵左。贵左都唔紧要，重要既系大粒左之后个皮无之前咁脆，虽然系似左正宗大阪𠮶种，但我觉得以前细粒重高质。而依家重开之后其实系同变大粒之后差唔多味，所以系无变差架，只不过我私心希望整返细粒啲脆啲，咁就完美啦。