影片
更多
2024-10-19
1351 浏览
我谂一讲响香港揾日式拉面食，大家可能会第一时间谂起湾仔，中环，尖沙咀之类嘅拉面激战区。如果话响大坑有间隐世小店，大家会刻意去一试吗？我今次同家人去，一次过试晒酱油同盐味拉面。《特制酱油拉面🍜》《特制盐味拉面🍜》香味，酱油 (4/5)，盐味 (3.5/5)两款汤都相当好闻，香味亦好充足，不过当然啦，酱油汤因为仲有鸡油加持，香味一定优胜于盐汤，因为盐汤本身系冇乜味，而店家亦无额外添加另一d抢鼻嘅香味，盐味就比较纯粹。汤头，酱油 (4/5)，盐味 (4/5)酱油汤方面，佢算系比较深色，又系浓普洱茶d色泽。饮落香醇，酱油同鸡油两者混合嘅平衡度系做得几好。另外，汤入面蔬菜嘅甜味亦明显地可以品尝到，咸甜香都齐晒，汤嘅质感亦顺口。不过，我个人口味来讲觉得稍稍偏咸左 d。盐汤方面，色泽比我以往食过嘅盐汤为深色左少少，甚至乎我会形容为有少少淡嘅咖啡色。我认为盐汤嘅色如果清澈d会更吸引，虽然香港好少地方卖盐味拉面，以我所见日本d塩拉面d汤多数都只会系淡丽茶色或琥珀色，所以我认为色泽可以再调整。味道方面，我系几钟意，佢盐嘅味道系有特色，似系有种霸气，有股力场去巩固整个汤嘅味道咁，我认为系几好味。面条 (5/
我今次同家人去，一次过试晒酱油同盐味拉面。
《特制酱油拉面🍜》
特制酱油拉面🍜
$98
0 浏览
0 赞好
0 留言
《特制盐味拉面🍜》
特制盐味拉面🍜
$98
3 浏览
0 赞好
0 留言
香味，酱油 (4/5)，盐味 (3.5/5)
两款汤都相当好闻，香味亦好充足，不过当然啦，酱油汤因为仲有鸡油加持，香味一定优胜于盐汤，因为盐汤本身系冇乜味，而店家亦无额外添加另一d抢鼻嘅香味，盐味就比较纯粹。
汤头，酱油 (4/5)，盐味 (4/5)
酱油汤方面，佢算系比较深色，又系浓普洱茶d色泽。饮落香醇，酱油同鸡油两者混合嘅平衡度系做得几好。另外，汤入面蔬菜嘅甜味亦明显地可以品尝到，咸甜香都齐晒，汤嘅质感亦顺口。不过，我个人口味来讲觉得稍稍偏咸左 d。
盐汤方面，色泽比我以往食过嘅盐汤为深色左少少，甚至乎我会形容为有少少淡嘅咖啡色。我认为盐汤嘅色如果清澈d会更吸引，虽然香港好少地方卖盐味拉面，以我所见日本d塩拉面d汤多数都只会系淡丽茶色或琥珀色，所以我认为色泽可以再调整。味道方面，我系几钟意，佢盐嘅味道系有特色，似系有种霸气，有股力场去巩固整个汤嘅味道咁，我认为系几好味。
面条 (5/5) - 两款拉面嘅面条都系同一款，配两款汤效果都相当好。
中细面，方形，直身，面身有一点点（用左全粒小麦粉）。呢款面可以话系我食过咁多款拉面中最对到我口味嘅一款。麦味非常够（持别配盐汤），而口感爽弹有咬口，顺滑，我觉得比满分系合理。
配料 (4.5/5) - 配料方面，我心目中嘅主角并唔系块叉烧，而系条荀，因为呢道选用嘅唔系一般嘅荀干，而系响香港极其少见嘅穗先荀！穗先荀本身特别长，口感特别好，另外穗先荀本身系比较清甜，同一般荀干，味道同口感上都系明显优胜。
酱油拉面中，叉烧有两款，各有两块，猪肩肉同猪腩肉，肉味够，质量正正常常，两者来比较腩肉会较为甘香，好食过猪肩肉少少。而，盐味拉面中，叉烧只有一款，就系猪肩肉，不过都有四块 。
溏心蛋，未系好惊艳，正常地好食啦，最主要流心效果有做好，不过我个人钟意更生少少。
虽然我点嘅系特制版，不过配料嘅份量对我一个细食嘅男人来讲先系刚刚好，叉烧虽然有四块，不过都切得薄身同偏细块，所以我认为叉烧如果可以切大块d，满足感会更大。
整体 - 值得推荐 👍👍👍👍👍
题外话/补充资料：
呢间麦先，我系响d拉面关注区见有网友share，我先至知道佢嘅存在。之前响网上 search 边度有有特别嘅拉面店，真系唔多觉眼，可能佢冇刻意揾人做 marketing，响各大网上平台亦欠缺人气。食完之后我觉得好食，希望佢比更多人注意到。
(以上食记乃用户个人意见 , 并不代表OpenRice之观点。)
张贴
