影片
更多
2023-10-14
2188 浏览
扎根上环嘅聚点坊，相信街坊同上班族都唔陌生，今日我哋午市时间去，目测9成满座，唔需要等位，唔算阔落，志在叹番一盅两件。先嚟春风得意肠，热气腾腾，内里嘅腐皮卷够脆，而酱汁甘甜，可谓开个靓头。淮山鸡扎，包裹喺腐皮下嘅冬菇、鱼肚、鸡肉、淮山好似一幅描画山水同飞鸟嘅水墨画，内容丰富而轻描淡写，试得出餐厅对食材嘅处理。我哋嘅第一感受系：不过不失啦。而点心之王嘅虾饺，就比到少少惊喜，虾饺皮厚薄弹性适中，虾肉弹牙爽口，笋粒带嚟些微清爽，平民点心嚟讲，加上堂食热辣辣有加成，冇挑剔嘅位。相反，我哋每次饮茶，或者食上海嘢都必嗌嘅小笼包，偏厚嘅皮遇上蒸得太耐嘅问题，令到口感过硬同「食面粉」嘅感觉，汤汁唔多亦有啲扣分。广东酒楼每枱一盅嘅凤爪排骨饭，我哋偏好硬饭同多汁，硬桥硬马，唔会暴露肉类，特别系排骨嘅雪藏味。呢盅饭就正好满足上述条件。成餐饭嚟讲，茶水就一定冇茶楼咁靓，呢度嘅点心够热，「一热遮三丑」，至少食得满足。食物味道偏浓，健康路线嘅朋友或者老人家要注意。印象中聚点坊系COVID期间头几间出现个案嘅铺头，好彩挨过疫情，唔系嘅话街坊街里又少一个叹平民点心嘅聚处(5个点心加茶水大概150，中上环嚟讲算make
先嚟春风得意肠，热气腾腾，内里嘅腐皮卷够脆，而酱汁甘甜，可谓开个靓头。
淮山鸡扎，包裹喺腐皮下嘅冬菇、鱼肚、鸡肉、淮山好似一幅描画山水同飞鸟嘅水墨画，内容丰富而轻描淡写，试得出餐厅对食材嘅处理。我哋嘅第一感受系：不过不失啦。
而点心之王嘅虾饺，就比到少少惊喜，虾饺皮厚薄弹性适中，虾肉弹牙爽口，笋粒带嚟些微清爽，平民点心嚟讲，加上堂食热辣辣有加成，冇挑剔嘅位。
相反，我哋每次饮茶，或者食上海嘢都必嗌嘅小笼包，偏厚嘅皮遇上蒸得太耐嘅问题，令到口感过硬同「食面粉」嘅感觉，汤汁唔多亦有啲扣分。
广东酒楼每枱一盅嘅凤爪排骨饭，我哋偏好硬饭同多汁，硬桥硬马，唔会暴露肉类，特别系排骨嘅雪藏味。呢盅饭就正好满足上述条件。
成餐饭嚟讲，茶水就一定冇茶楼咁靓，呢度嘅点心够热，「一热遮三丑」，至少食得满足。食物味道偏浓，健康路线嘅朋友或者老人家要注意。
印象中聚点坊系COVID期间头几间出现个案嘅铺头，好彩挨过疫情，唔系嘅话街坊街里又少一个叹平民点心嘅聚处(5个点心加茶水大概150，中上环嚟讲算make sense嘅)。
嚟紧会继续写食评记录我哋去过嘅餐厅，多谢支持。
张贴
