新派韓食館 (已結業)

今日因为工事要到大围嘅新翠邨，发现原来屋村内都有几多餐厅，揾野食唔难，眼见午市间间店铺都几多人，个人系一个喜欢韩国野嘅港女，所以拣左一间韩国餐厅sister Korea cafe。入面装修都几精致，座位亦算舒服，虽然我一个人，但服务员亦友善地带位同点餐，午餐套餐款式多，重有学生价，当然依啲优惠我无份啦～我叫左果味牛肉石锅饭同热咖啡，牛肉石锅饭上菜时有啲走样，可能因为运送问题斜左，但食落都无问题，反正都要加酱料拌饭，捞完都重好热腾腾，好啱冬天时候食，附带一提酱料一早已放于桌面，有辣有唔辣任由自己喜好落酱。其实我今日最欣赏嘅系杯咖啡，因为我好喜欢用木匙羹，咖啡亦特浓。