京滬村 (已結業)

呢一度环境其实唔错，坐得舒服既话，食都会食得舒服啲~石锅素翅鲜蚧粉炒饭，呢个饭有d特别，而且卖相好靓，好似一个盆栽咁，有块青绿嘅小叶做装饰，好得意，而素翅蚧粉口感都唔错，点埋佢特有嘅酱汁，味道好衬！佢个饭超级热，岩岩出炉，一呈上黎嘅时候中有“滋滋声" 个饭中自己煮紧，保持最鲜嘅口感比食客，侧边嘅饭系脆嘅，因为佢贴住锅边，酱汁捞埋个饭，食到津津有味！第二味系葱油拌海蜇，一条条望落去弹力十足嘅海蜇各有各姿态等住我品尝，葱油配住海蜇，令海蜇颜色唔再咁单调，撒满香脆嘅芝麻系海蜇上面，一影完呢个美照，我就急不及待开餐啦！