大滿足 (已結業)

去开葵涌广场嘅大家都应该会知道，呢度完全系扫街天堂，好少人会拣坐定定食嘢，边行边食先系王道。今次要推介呢间叫大满足嘅寿司店，好多人都推介过佢嘅玉子烧我就唔多讲啦。今次试呢个只系30几蚊嘅大满足，睇吓食完系咪真系咁满足。有几个座位，不过呢度比较自助，豉油都系自己落，所以搞到啲枱都几污糟，希望大家可以做返个有公德心嘅食客。主角来了，唔好睇佢好似细细份，其实佢系整实咗，拆开系有好多鱼生。但系得一嚿海胆就有少少失望啰，不过$32咁多鱼生仲想点。应该系加拿大海胆，食起上嚟唔腥。鱼生有好多款，我已经数唔到啦，三文鱼，吞拿鱼，油甘鱼，带子，象拔蚌，蟹籽，仲有一款唔知系咩嚟。下面有啲寿司饭，唔大食嘅话，都应该可以当一餐，下次会再嚟试吓佢个软壳蟹手卷同半版海胆手卷。