Kale

营业中

休息中

长假期食得太多肉，家下净系想食菜。虽然今日都几凉，有啲犹豫应唔应该食冻冰冰嘅沙律，好彩入到去发觉里面好暖，啱晒～餐牌好多嘢拣，最终拣左个细吞拿鱼+羽衣甘蓝沙律+烤菜。吞拿鱼个样都几靓，腌得几好味，加埋上面啲芝蔴应该衬个饭。烤菜有啲失望，虽然有几款菜但啲菜真系好生，好似只系净系系咁咦烧过下咁。秋葵爽爽哋都可以，南瓜唔烧真系唔甜，茄子个味最奇怪，实在食唔落。羽衣甘蓝沙律个牛油果醋加埋石榴食酸酸甜甜都几好味，不过佢啲羽衣甘蓝都算几硬，相信唔系人人食到。见到几多人叫个沙律搭2个mini burger, 个burger 仲热嘅，个样几好。下次会试吓。我8点几先黎都仲有几多人入黎，睇黎佢都几受欢迎。座位无得挨就唔太舒服但张台真系好靓。