影片
更多
2010-05-29
5 浏览
店舖装修睇落比较简单,给人一种温馨既感觉,用灯不太暗,又不会给人很光猛既压迫感.有D餐厅浪漫到连MENU 都睇唔到既,我就最怕啦.一坐低,先来一杯水,系暖暖既柠檬水,讲真我觉得几好饮家.再来女店员问”你地系咪第一次黎食?”(系呀~~)佢就介绍比我地知, 餐厅系无SET ,不过可另加$70,则包埋汤, 餐茶 & 甜品.我地既心态系可能一次过无回头,决定比多$70 .由汤到主菜介绍都用左几分钟.佢用心介绍比我地听,佢既推介系蘑菇汤.不过最后要洋葱汤同露笋汤(因为露笋汤系是日餐汤, 所以想试左先,其他长期都会供应麻).女店员再讲”我地既洋葱汤系清清地,唔系有芝士果只,因为之前有客话佢系法国饮果款唔系我地果款,所以我讲比你知地”到选主菜时,我地决定要法式焗鸭腿同焗海鲜酥.女店员再话” 正宗既法式焗鸭腿可能你地会觉得咸, 所以我地会跟埋白饭.”哗~~真系超细心既详细介绍,唔该晒.露笋汤同洋葱汤好滑.唔似系出边食果D有渣既.洋葱汤既洋葱咪唔太强,不过佢既肉味同胡椒味就比较出; 露笋汤就清清咁, 但唔算太特出.法式焗鸭腿好入味,又唔”老”身. 皮同肉中间夹住层油, 有好香鸭油味,.但一D都唔油腻,食
店舖装修睇落比较简单,给人一种温馨既感觉,用灯不太暗,又不会给人很光猛既压迫感.有D餐厅浪漫到连MENU 都睇唔到既,我就最怕啦.
一坐低,先来一杯水,系暖暖既柠檬水,讲真我觉得几好饮家.再来女店员问”你地系咪第一次黎食?”(系呀~~)佢就介绍比我地知, 餐厅系无SET ,不过可另加$70,则包埋汤, 餐茶 & 甜品.我地既心态系可能一次过无回头,决定比多$70 .由汤到主菜介绍都用左几分钟.佢用心介绍比我地听,佢既推介系蘑菇汤.不过最后要洋葱汤同露笋汤(因为露笋汤系是日餐汤, 所以想试左先,其他长期都会供应麻).
女店员再讲”我地既洋葱汤系清清地,唔系有芝士果只,因为之前有客话佢系法国饮果款唔系我地果款,所以我讲比你知地”到选主菜时,我地决定要法式焗鸭腿同焗海鲜酥.女店员再话” 正宗既法式焗鸭腿可能你地会觉得咸, 所以我地会跟埋白饭.”哗~~真系超细心既详细介绍,唔该晒.
露笋汤同洋葱汤好滑.唔似系出边食果D有渣既.洋葱汤既洋葱咪唔太强,不过佢既肉味同胡椒味就比较出; 露笋汤就清清咁, 但唔算太特出.
法式焗鸭腿好入味,又唔”老”身. 皮同肉中间夹住层油, 有好香鸭油味,.但一D都唔油腻,食到最尾,都仲系好好味.不过佢咸既程度,真系要送饭. 鸭腿主菜配埋个薯仔饼, 薯仔饼一层又一层,食完一个要再黎. 薯仔饼系一块一块薯仔配上忌廉,真系食到唔想停.
焗海鲜酥既装住一D小海鲜再配龙虾汁.我觉得个龙虾汁好好味喔.食到最后个酥皮,仲系好脆.意粉既橄榄味都几重,不过食落个感觉又唔系好油.
另外,两份主菜伴碟既蔬菜充满鲜菜味. 伴碟既都不容忽视.
到甜品啦,我地要左焦糖炖蛋同白朗峰.讲真焦糖炖蛋就无咩惊喜,重左D玉桂味; 白朗峰我之前未食过咁既甜品,系蛋白打左加玉桂酱.个样好似棉花糖咁,食落去似有若无,轻飘飘咁.带少少咸味.连伴碟画既图案都咁精致.
后来发现原来女店员系大厨既太太.(唔怪之咁落力啦)同埋佢同我地讲解番洋葱汤同白朗峰落左D咩. 洋葱汤既肉味缘自巴马火腿果层皮(因为我唔食牛既,出边D洋葱汤多用牛汤,又食到阵肉味,咪多口问下).而白朗峰就落左咸牛油.同埋佢用既玉桂系一支一支咁溶.
今晚成餐饭食左大慨两个钟.你问我觉得耐唔耐?我又唔觉啦. 你问我觉得佢地系咪超星级美食?又唔系真系好超星级.但系黎LEE到食你会感受到人地真系有HEART去做每一件食物,连伴碟既糖浆都一丝不苟.系到我感受到小店既温暖,店员既亲切,老板娘佢真系有问必答,,唔问都讲.近至菜既用料,远至自己既野都会同你讲.你去兰桂坊,真系唔得闲慢慢同你谈心呀,啦啦声去出多几个餐好过啦.LEE D 就系唔同地区既分别啦.如果佢可以做埋OUTDOOR系门口叹埋咖啡仲好呀.有下次有下次.
张贴
