影片
更多
2024-07-05
427 浏览
两位山友升职请食海鲜，大家踊跃报名，有食神！话晒行山结缘，喺乡郊揾间酒家食海鲜。主人家选址布袋澳发记，我多年前行完钓鱼翁食过一次，印象良好。配合行山，本来又系行钓鱼翁，但大家择咗个潮退好日子；睇地图，近近哋计划去闻名已久嘅扭纹洞。下午搭巴士91号清水湾总站落车，沿大坳门路行唔够一公里，就左转入荒径去海边，轻松捆边半小时就到洞口。打卡吹吓海风，原路返回大坳门路，步行去布袋澳村，全程少于3.5公里——推介为夏日潮退打卡短线，确实性价比高——我系评价条路线😆用咁多篇幅描述食店附近行山路线，皆因我哋山友钟意行山同埋食好西。入正题，餐海鲜系山友请嘅，升职咁开心，梗系大擦一餐啦⋯⋯主人家叫咗以下菜式：1. 白灼虾，鲜味！2. 椒盐鲜鱿，呢碟清得最快，香口又有肉哋。赞👍🏻3. 墨鱼刺身，一个字，正👍🏻4. 蒸鲍鱼，蒸得过咗少少，竹签挑唔到只鲍鱼要用只叉好用力扯离开个壳，都咬到唔算好韧；5. 上汤龙虾伊面底，正常发挥，伊面吸咗龙虾汁，龙虾好味；6. 清蒸海星班，蒸得刚刚好，鱼肉鲜味嫩口唔韧；7. 豉椒蛏子炒肠粉，哗呢个有惊喜！「点子新颖配搭新奇味道新鲜！」主人家嘅十二字评价。惊喜系加咗肠粉，即系平时食
用咁多篇幅描述食店附近行山路线，皆因我哋山友钟意行山同埋食好西。
入正题，餐海鲜系山友请嘅，升职咁开心，梗系大擦一餐啦⋯⋯主人家叫咗以下菜式：
1. 白灼虾，鲜味！
2. 椒盐鲜鱿，呢碟清得最快，香口又有肉哋。赞👍🏻
3. 墨鱼刺身，一个字，正👍🏻
4. 蒸鲍鱼，蒸得过咗少少，竹签挑唔到只鲍鱼要用只叉好用力扯离开个壳，都咬到唔算好韧；
5. 上汤龙虾伊面底，正常发挥，伊面吸咗龙虾汁，龙虾好味；
6. 清蒸海星班，蒸得刚刚好，鱼肉鲜味嫩口唔韧；
7. 豉椒蛏子炒肠粉，哗呢个有惊喜！「点子新颖配搭新奇味道新鲜！」主人家嘅十二字评价。惊喜系加咗肠粉，即系平时食开嘅猪肠粉。个豉椒汁连埋蛏子嘅海鲜味索咗入肠粉里面，简直系喧宾夺主！个蛏子都正常好味，但肠粉更加突出。直头想encore 叫碟豉汁肠粉🤣
8. 发记炒饭，加单，要有啲淀粉质落肚，炒得唔油，好食😋
9. 上汤浸菜心，正常
整体而言，个海鲜盛宴系值得推介，重点系有人请食。咁我哋夹少少回礼啦⋯⋯
张贴
