影片
更多
2023-01-23
773 浏览
🥰 话说 Suzuno 旧舖系我最喜爱鮨店之一, 今日初访新店, 期望见到邓师傅, 可惜师傅临时缺阵.🥢 餐厅位于黄泥涌道马路地舖. 设一张长型十人寿司吧枱, 装修典雅, 杯碟精致, 硬件比旧舖优胜.🤗 今日点咗寿司套餐, $680+10%, 十二件寿司加虾丸, 定价中上, 老友 “甘仔” 赞口不绝, 特别欣赏徒弟嘅调味. 我嘅评语系: 没有邓师傅, 没有表演, 没戏了, 用餐体验相对 “直接”. 整体鱼料质素不俗, 但唔多惊喜位, 最开心系食到传说中嘅香箱蟹, 数下数下, 最后食咗十四件寿司, 哈哈哈.🥕 千切大根. 正常.🍥 茶碗蒸. 可以再热少少, 味道Ok嘅.🍣 第一件.. 平目鱼, 配辣萝卜蓉. 味淡.🍣 第二件.. 真鲷. 油份跑出.🍣 第三件.. 金目鲷. Suzuno 独特嘅处理手法: 用热水渌熟鱼皮. 我都系钟意炙烧版本啰.🍣 第四件.. 间八. 烟烟韧韧, 有趣.🍣 第五件.. 关鲭. 鱼味浓郁, 我钟意.😱 第六件.. 帆立贝. 竟然忘记影相.🐙 第七件.. 水八爪鱼, 北海道. 镇店名菜之一, 我麻麻哋, 睇好过食.🍣 第八件.. 池鱼. 肉质紧实, 油脂丰富,
🥢 餐厅位于黄泥涌道马路地舖. 设一张长型十人寿司吧枱, 装修典雅, 杯碟精致, 硬件比旧舖优胜.
🤗 今日点咗寿司套餐, $680+10%, 十二件寿司加虾丸, 定价中上, 老友 “甘仔” 赞口不绝, 特别欣赏徒弟嘅调味. 我嘅评语系: 没有邓师傅, 没有表演, 没戏了, 用餐体验相对 “直接”. 整体鱼料质素不俗, 但唔多惊喜位, 最开心系食到传说中嘅香箱蟹, 数下数下, 最后食咗十四件寿司, 哈哈哈.
🥕 千切大根. 正常.
🍥 茶碗蒸. 可以再热少少, 味道Ok嘅.
🍣 第一件.. 平目鱼, 配辣萝卜蓉. 味淡.
🍣 第二件.. 真鲷. 油份跑出.
🍣 第三件.. 金目鲷. Suzuno 独特嘅处理手法: 用热水渌熟鱼皮. 我都系钟意炙烧版本啰.
🍣 第四件.. 间八. 烟烟韧韧, 有趣.
🍣 第五件.. 关鲭. 鱼味浓郁, 我钟意.
😱 第六件.. 帆立贝. 竟然忘记影相.🐙 第七件.. 水八爪鱼, 北海道. 镇店名菜之一, 我麻麻哋, 睇好过食.
🍣 第八件.. 池鱼. 肉质紧实, 油脂丰富, 出色.
🐚 第九件.. 赤贝. 爽口, 我一直都领略唔到赤贝嘅味道.
🦀 第十件.. 香箱蟹. 第一次食, 未懂欣赏, 卖相出色.📖 翻查资料: 香箱蟹即系松叶蟹乸, 主要食内子同埋外子, 内子即系蟹膏, 外子即系蟹籽. 传统怀石料理中, 师傅先取下内子外子, 再连同蟹脚蟹身嘅肉一并酿回蟹壳供客人享用. 由于貌似宝石箱, 取名香箱蟹.
🦐 海老真丈. 镇店名菜之一, 热辣辣, 水准之上.
🍣 第十一件.. 中拖罗. 非常肥美.
🍣 第十二件.. 大拖罗. Suzuno 独特嘅版本: 落盐调味. 肥美, 甘香.
🍣 第十三件.. 吞拿鱼酱油渍. 鱼身滑溜, 酱油味道甘香, 可惜咸咗少少.
🐚 第十四件.. 海胆. 分量慷慨, 发挥理想.
🥣 面豉汤. 够热.
☕️ 咖啡. 合格.
🤗 总结: 环境舒适, 座位阔落, 服务殷勤, 鱼料质素不俗, 味道出色. 食嘢讲缘份, 今餐没有邓师傅, 没戏了, 期待再访.
张贴
