博多屋台

营业中

休息中

今日去咗上水农庄玩到日落时候，搭小巴出返上水食晚饭，一个住上水嘅朋友推介位于上水彩园邨商场嘅日式料理～博多屋台。店面店内极富日本风情，以木色为主，卡位以木条间隔有私人空间感，全店挂满日本风灯笼，餐厅有多重优惠，有一人前定食套餐，晚上寿司刺身有88折。带子王刺身有两大粒切开4片，带子白雪雪好新鲜，饱满而鲜甜，吸收柠檬味更清新。玉子寿司、三品寿司盛、蒜味螺肉军舰，味道唔错，由其系优惠价嘅三品寿司，火炙皇帝蟹棒、玻璃虾、三文鱼寿司各一件，师傅喺上面加咗调味火炙，脆脆地好香口。天妇罗鱿鱼须加入海苔炸，香脆得嚟有海苔香味，唔使点酱都够晒味。黑蒜油腩肉拉面，好香黑蒜油加浓郁猪骨汤底，日式叉烧好食，温泉蛋好幼滑。最后埋单时收银员送上一个代币，表示可在店旁嘅夹公仔机玩一局。