鮨勝 (已結業)

平时去九龙城都系食泰国菜多，今次决定食豪啲，食omakase。$1380加一有十五道菜，师傅上每道菜都有详尽解释，装修有格调。舖头播嘅音乐以八九十年代日本歌为主，因为好多大热歌都改编咗做广东歌，几有亲切感。餐厅仲会帮客人准备一个皮革口罩套，好有心思。✨海胆布甸蕃茜苗 ✨松叶蟹配桃啫喱✨白海松贝配青柠汁✨金目鲷配昆布汁✨熟成半个月拖罗配芥末籽✨炸蒜本鲣鱼✨炸金鲷 松露野菌酱配白蘑菇✨鲑鱼寿司配葱酱✨石桓贝配自制蛋黄酱✨中拖罗寿司配黄芥末酱及京葱碎✨龙虾汁、鱼翅及松叶蟹蓉茶碗蒸✨牡丹虾寿司配虾头虾膏✨黑鲈鱼寿司✨赤鯥鱼寿司✨海胆手卷✨江户前玉子 用虾肉鱼肉制作并无添加面粉✨鱼片野菌清汤✨香印提子配静岗蜜瓜餐厅好用心配搭每道料理，有啲配搭仲几得意。好似海胆整成布甸，传统茶碗蒸又会配上龙虾汁同鱼翅，更显矜贵。而刺身同寿司都会配搭唔同酱汁去带出更多层次，好似炸蒜配本鲣鱼好有避风塘风味。个海胆手卷份量多到o咗嘴，未试过一次过啪咁多海胆，谂返起都流口水。每道料理由前菜到水果都充分体验到餐厅嘅用心，系一个非常好嘅用膳经历。