影片
更多
2010-06-25
54 浏览
欢乐时光真系过得特别快, 话都冇咁快大粒墨都黎左附近, 于是师傅同封笔食家"今餐食乜好"齐齐起锚, 会合埋大粒墨又可以齐齐开餐; 晚餐地点封笔食家"今餐食乜好"一早已经提议黎呢间食店, 既然系封笔食家"今餐食乜好"揸旗, 绝对信得过, 一定唔会超错!准时黎到呢间食店, 侍应友善带位, 坐底后大家吹吹下水先知原来只得师傅系大乡里, 皆因封笔食家"今餐食乜好"同大粒墨都已经黎过至少一次; 大家商量一阵后决定柯打三款唔同定食一齐食, 而是日餐厅推介左佐贺金星豚, 封笔食家"今餐食乜好"就决定拣呢款, 而师傅就保守少少柯打左吉列猪柳, 大粒墨就拣左吉列蚝!落完单又吹下水, 定食登场时间唔算太快, 等候时间系可以接受, 最后三款定食前后脚咁到, 而相隔时间只不过系几分钟; 师傅当然三款都有试啦, 先讲下佐贺金星豚, 佐贺金星豚其实即系吉列猪扒, 只不过系靓少少嘅猪, 如果师傅冇记错呢只金星豚好似系来自美国; 一大块吉列猪扒斩件上, 吉列猪扒炸得十分松脆, 入口爽口唔干身, 而猪扒肉身颇厚, 肉里真的夹杂少少肥膏, 肥膏系绝对会加重猪扒嘅香味, 呢点系绝对做到, 但就略油腻, 如果唔钟意食肥膏就千
准时黎到呢间食店, 侍应友善带位, 坐底后大家吹吹下水先知原来只得师傅系大乡里, 皆因封笔食家"今餐食乜好"同大粒墨都已经黎过至少一次; 大家商量一阵后决定柯打三款唔同定食一齐食, 而是日餐厅推介左佐贺金星豚, 封笔食家"今餐食乜好"就决定拣呢款, 而师傅就保守少少柯打左吉列猪柳, 大粒墨就拣左吉列蚝!
落完单又吹下水, 定食登场时间唔算太快, 等候时间系可以接受, 最后三款定食前后脚咁到, 而相隔时间只不过系几分钟; 师傅当然三款都有试啦, 先讲下佐贺金星豚, 佐贺金星豚其实即系吉列猪扒, 只不过系靓少少嘅猪, 如果师傅冇记错呢只金星豚好似系来自美国; 一大块吉列猪扒斩件上, 吉列猪扒炸得十分松脆, 入口爽口唔干身, 而猪扒肉身颇厚, 肉里真的夹杂少少肥膏, 肥膏系绝对会加重猪扒嘅香味, 呢点系绝对做到, 但就略油腻, 如果唔钟意食肥膏就千万唔好柯打, 点少少佢地嘅猪扒汁都几醒胃, 但对师傅黎讲味道稍嫌过浓, 但整体感觉尚算不俗!
至于吉列猪柳一客有四件, 体积犹如炸带子咁上下, 当然比带子大少少啦, 猪柳亦系炸得好松脆, 肉质都几松唔干身, 坦白讲师傅食唔出同猪扒有咩分别, 所以冇咩大惊喜; 至于吉列蚝就令人较为失望, 一客有五只蚝, 蚝身并唔系十分大只, 入口后发觉蚝身唔肥, 冇左蚝应有嘅香味, 所以亦冇左追住食𠮶铺瘾, 整体黎讲唔算得, 封笔食家"今餐食乜好"对呢个蚝都十分失望, 师傅望住封笔食家"今餐食乜好", 觉得佢真系有喊嘅冲动! 椰菜就好清好爽口, 用黎过呢咁肥腻嘅食物真系啱晒, 有两款汁分别用黎配上椰菜, 就系芝麻沙律汁同青芥辣沙律汁; 芝麻沙律汁嘅汁底较杰, 但芝麻味唔算太香, 入口较黏, 一般; 青芥辣沙律汁嘅汁底较稀, 但味道就好重青芥辣, 师傅就唔钟意喇! 面豉汤亦属一般, 冇咩等别!
总括黎讲食物质素令人满意, 但谈不上突出, 环境非常舒服, 皆因客人甚少, 服务态度殷勤友善, 不断添菜加茶, 至于价钱应亦唔太平, 埋单每人一八八, 十分好意头; 师傅是晚吃菜多过吃肉, 可能系油腻嘅关系啦, 如果净系要食纯炸物, 呢间食店绝对唔会系师傅嘅首选, 皆因师傅始终觉得丼吉嘅水准就更加突出, 更加好味; 师傅同封笔食家"今餐食乜好"食饭就食得多, 但加埋大粒墨就真系好似未试过, 是次配撘比食物更为新鲜, 笑脸亦可以一比, 但相信再黎机会不大!
张贴
