金龍冰室 (已結業)

呢间餐厅好似都开左一排, 经过见到个餐牌几吸引就入去试一试啦。一入到去见到蓝白色嘅装修同家私就觉得好舒服。餐牌有好多餐种选择, 单单系常餐就已经占左两页, 配多士仲可以自由拣唔同嘅口味, 其他配料都好多选择, 唔似其他餐厅嘅常餐好多都规定左配料,唔可以转其他。最后我就拣左沙嗲牛肉公仔面配芝士肠同奶油多, 饮茶走。朋友都拣左同一个餐, 但配牛油多士同炒蛋白,饮热华田。落单嘅时候, 姐姐明明问过我哋系咪两个都要公仔面, 但隔左一阵, 另一位侍应姐姐送嚟一碗炸菜肉丝米😯😯对完单先知原来之前个姐姐入错单, 个侍应哥哥即时帮我哋转返👍🏻👍🏻我哋本来以为跟餐系得半块多士, 结果系一块多士夹住上😮奶油同多士嘅比例啱啱好,又够脆😋😋😋但一块多士有啲多食唔晒, 可能半块就啱啱好👍🏻朋友个炒蛋白同我哋预期炒滑蛋嘅质地都唔同, 系一大块软棉棉, 朋友形容食完有幸福嘅感觉😋轮到主菜,沙嗲牛肉真系好失望, 味太浓, 好咸, 再咬耐啲仲食到啲酸味, 似系腌过龙🙊值得一赞嘅系茶走, 茶味够浓, 够滑, 香, 甜度啱啱好👍🏻👍🏻😋或者下次食下午茶多士会好啲......