影片
更多
2019-12-16
3986 浏览
一向觉得海运大厦既餐厅有种生人勿近既高贵感，普通餐厅配上美景已经升价百倍，作为精明消费者闲时想thrill下，当然拣返间有无敌海景得黎，仲有特别主题、以松露做主打既西餐试试啦。唔想谂，第一时间就睇中tasting dinner menu ($688 per person/4 courses) 样样想食既都有齐，原来可以只叫一人份量，拣4 courses再单点其他野十分抵食。Scallop Confit有北海道带子、意大利青瓜、松露青豆蓉同白松露油。 估唔到第一啖就已经好满意，北海道带子色泽鲜明、厚实嫩滑，内里半熟更加甜美柔软，食材无可挑剔。澳洲M6和牛西冷牛排不得不赞个牛扒超靓，虽然切落去质感比想像中实净，其实食落有点似熟成牛肉咁，结实同时保持软腍。 牛扒煎得岩岩好唔会有血水，牛味极浓。不过分到咩位置味道都有好大分别，今晚呢块有一半明显地油脂分布较丰富，钟意甘香感觉真系要撞手神，但可以肯定牛魔王一定唔会失望。墨鱼汁意大利饭表面有松露碎同咸蛋黄，味道未有太大惊喜，份量亦比想像中少，系加左咸蛋黄几特别。另外单点左两款，芝士火腿拼盘份量十足，芝士香醇、火腿甘香，不过空口食有少少咸。 留意到做
唔想谂，第一时间就睇中tasting dinner menu ($688 per person/4 courses) 样样想食既都有齐，原来可以只叫一人份量，拣4 courses再单点其他野十分抵食。
Scallop Confit有北海道带子、意大利青瓜、松露青豆蓉同白松露油。 估唔到第一啖就已经好满意，北海道带子色泽鲜明、厚实嫩滑，内里半熟更加甜美柔软，食材无可挑剔。
澳洲M6和牛西冷牛排不得不赞个牛扒超靓，虽然切落去质感比想像中实净，其实食落有点似熟成牛肉咁，结实同时保持软腍。 牛扒煎得岩岩好唔会有血水，牛味极浓。
不过分到咩位置味道都有好大分别，今晚呢块有一半明显地油脂分布较丰富，钟意甘香感觉真系要撞手神，但可以肯定牛魔王一定唔会失望。
墨鱼汁意大利饭表面有松露碎同咸蛋黄，味道未有太大惊喜，份量亦比想像中少，系加左咸蛋黄几特别。
另外单点左两款，芝士火腿拼盘份量十足，芝士香醇、火腿甘香，不过空口食有少少咸。 留意到做紧优惠有Wine Free Flow $88/90 min，下次时间充裕d一定黎摸住酒杯底𩠌芝士。
香蒜大蚬松露宽条面可谓我今晚最难忘既菜式。 首先蚬肉超级大只饱满鲜甜，满满蚬肉净系卖相已经令人心情愉悦，重点系呢个做法煮出左大量浓厚既蚬汤，除左手造宽条面吸满精华妙不可言之外，忍唔到手不断毕黎饮，仲想用黎点面包，必叫。
留意到成个menu其实乱咁叫都会有松露成份，今晚所有菜式其实面头都现刨左松露片，但可能秋冬季盛产既松露品种香气都偏清淡，所以不见预期中浓烈既石油气味，加左其余松露产品之后，香味勉强可以搭够。 纵然如此，因为用料同烹调方法都好有水准，食物依然令人称心满意。
最后松露芝士球卖相好有趣，松露状既蛋白饼估唔到松露味极浓，原来系因为加左松露油，几欣赏甜品师既创意。 主角芝士球口感好rich好creamy，食到好熟悉既味道，最后同朋友一致认同系缤纷乐味，都几有趣。
问过店员，有少部分菜式会有专人即席现刨松露，下年年头要趁法国黑松露收成期再访先得。
张贴
