影片
更多
2021-04-28
93 浏览
星期六本身预咗揾间酒吧餐厅睇波食饭，但我哋五点已经好肚饿，等唔到再夜啲食，所以就决定食个Early Dinner先再算🙈。我哋经过「娜吧」门口，被热情嘅店员拉住，听到佢讲有拉面食，兴趣秒速倍增。我哋好好彩赶得及午餐嘅尾巴，可以以较优惠嘅价钱食到拉面，而且仲唔使收加一👍。店员向我哋介绍各款面嘅特色，并强烈推介其中两款。既然第一次嚟食，就听佢话嗌招牌菜啦。面食嚟到前，店员先送上小食同热茶🍵，小食有炸虾片同杂锦果仁(即wasabi 豆、开心果同花生)。同时，佢亦会Set定枱放好托盘，方便我哋一阵食面。自家制黑豚叉烧拉面($82/例牌)，🍜拉面唔错㖞，颇有自家特色的，同出面连锁店有所不同。首先，第一样必定要赞嘅就系汤底够哂热🔥，温度绝对足以影响成碗面嘅味道。拉面嘅配料有肉碎、大葱丝、洋葱粒、青葱粒同溏心蛋等，当然仲唔少得餐厅自家制、师傅自己扎嘅叉烧。🐷叉烧得一件，不过都已经够哂，因为系长长一条。叉烧半肥瘦，口感软绵，腌得够味。虽然呢度嘅汤底同面条无得自选口味，但各方面都能达到平衡。就如猪骨汤底浓而不油腻，而拉面粗幼适中，亦够弹牙。沾面($128)，好彩餐牌有图，否则唔会知沾面有乜料同用乜面🤣。
星期六本身预咗揾间酒吧餐厅睇波食饭，但我哋五点已经好肚饿，等唔到再夜啲食，所以就决定食个Early Dinner先再算🙈。我哋经过「娜吧」门口，被热情嘅店员拉住，听到佢讲有拉面食，兴趣秒速倍增。
我哋好好彩赶得及午餐嘅尾巴，可以以较优惠嘅价钱食到拉面，而且仲唔使收加一👍。店员向我哋介绍各款面嘅特色，并强烈推介其中两款。既然第一次嚟食，就听佢话嗌招牌菜啦。
面食嚟到前，店员先送上小食同热茶🍵，小食有炸虾片同杂锦果仁(即wasabi 豆、开心果同花生)。同时，佢亦会Set定枱放好托盘，方便我哋一阵食面。
自家制黑豚叉烧拉面
$82
1 浏览
0 赞好
0 留言
自家制黑豚叉烧拉面($82/例牌)，🍜拉面唔错㖞，颇有自家特色的，同出面连锁店有所不同。首先，第一样必定要赞嘅就系汤底够哂热🔥，温度绝对足以影响成碗面嘅味道。拉面嘅配料有肉碎、大葱丝、洋葱粒、青葱粒同溏心蛋等，当然仲唔少得餐厅自家制、师傅自己扎嘅叉烧。🐷叉烧得一件，不过都已经够哂，因为系长长一条。叉烧半肥瘦，口感软绵，腌得够味。虽然呢度嘅汤底同面条无得自选口味，但各方面都能达到平衡。就如猪骨汤底浓而不油腻，而拉面粗幼适中，亦够弹牙。
沾面
$128
3 浏览
1 赞好
0 留言
沾面($128)，好彩餐牌有图，否则唔会知沾面有乜料同用乜面🤣。沾面嘅造型完全顾及到打卡嘅需要，面底本身系冻的，再配合埋干冰飘烟嘅效果。碗嘅底部放有干冰，店员分几次将水倒入，令烟持续喷出🧊🌬，影相停不了！面底估计系用上刀削面，面条较粗，弯弯曲曲，适合挂汁。𩠌料有三文鱼刺身条、鲍鱼仔、溏心蛋同蟹柳丝等，全部都好啱配冷面。
沾面汁有惊喜，或者应该话系意想不到，因为原来系用鱼介粉整成嘅汁🐟。鱼汁浓厚得嚟唔腥，仲好香，为白面条带来滋味。但由于面条系冻的，所以个汁亦都比较易变凉，建议店家可以考虑使用热石以作保温。
我哋一人叫咗一杯Draught Beer🍻，一杯1664承惠$68，Happy Hour买二送一。夜晚六点钟都未到，我哋就「酒不醉人人自醉🤗」。
老板娘厨房楼面两边走，超级忙碌，但佢每次出到嚟都总系非常热情，同客人倾计、打成一片😆。佢仲劲好人，请我哋食炸鸡🍗，其实已经饱饱，但佢咁好客，我又点好意思推搪呢。炸鸡外皮好脆，佐酒一流。
环境方面，餐厅既唔似拉面店，亦唔似酒吧，似一间经过悉心装修同设计嘅Cafe✈️🔆，特别系门口几个向街座位，长期坐满人。同时，由于门口位唔系密封，所以通风一流。餐厅另外仲有普通餐枱同高枱，喺高枱食拉面就可能会迫少少。
总括嚟讲，呢间酒吧主题嘅拉面店几唔错，饮啤酒配炸鸡或者薯条就试得多，但原来配拉面都唔会好怪，仲几得意添😚。嚟呢度简直系一次过满足两个愿望：食拉面同饮酒✌🏻。我哋坐到咁上下，餐厅开始多人，咁就唯有下次再嚟拜访啦。
张贴
