影片
更多
2016-02-25
439 浏览
铜锣湾都食过好多餐厅，今日朋友话想饮下酒，就提议去酒吧。酒吧本身自己都唔太熟，咁就跟佢带路，去左都几少人去既地方 ...... 无论餐厅内外都系酒吧格局，吧枱可以见面摆满上百枝各种各样既酒，真系叹为观止。 坐低净系见到drink menu已经多到吓亲，先点左枝自己都唔系好识既 Alska。拣左荔枝加梨味，酒味唔重，带少甜，即使我唔系饮开酒都钟意饮。 饮饮下大家都开始想食野，因为始终岩岩放工，都想食下野。问问店员原来佢地有个food menu，都好多野食拣，真系估唔到。 烟肉荔枝，荔枝多汁，烟肉好淋又易咬。因为平时食开既烟肉太干身又硬，今次除左烟肉整得够淋，加左荔枝又减轻左烟肉干身既感觉。 黑松露芝士薯条，浓郁芝士同黑松露，从外观上已经可以睇到好多黑松露同埋芝士。食既时候完全唔需要任何酱汁已经好好食。 串烧猪颈肉，啖啖肉，猪颈肉厚身，但唔会咬唔开。烧之前落足调味，所以烧完之后非常入味。 串烧鸡脾菇，好大只既鸡脾菇，而且有两件，真系几抵食。虽然鸡脾菇烧过，但系咬落去仍然感觉到佢系好多汁。 墨西哥粟米片，之前系其他餐厅食过系将粟米片上面既三种酱捞埋
无论餐厅内外都系酒吧格局，吧枱可以见面摆满上百枝各种各样既酒，真系叹为观止。
坐低净系见到drink menu已经多到吓亲，先点左枝自己都唔系好识既 Alska。拣左荔枝加梨味，酒味唔重，带少甜，即使我唔系饮开酒都钟意饮。
饮饮下大家都开始想食野，因为始终岩岩放工，都想食下野。问问店员原来佢地有个food menu，都好多野食拣，真系估唔到。
烟肉荔枝，荔枝多汁，烟肉好淋又易咬。因为平时食开既烟肉太干身又硬，今次除左烟肉整得够淋，加左荔枝又减轻左烟肉干身既感觉。
黑松露芝士薯条，浓郁芝士同黑松露，从外观上已经可以睇到好多黑松露同埋芝士。食既时候完全唔需要任何酱汁已经好好食。
串烧猪颈肉，啖啖肉，猪颈肉厚身，但唔会咬唔开。烧之前落足调味，所以烧完之后非常入味。
串烧鸡脾菇，好大只既鸡脾菇，而且有两件，真系几抵食。虽然鸡脾菇烧过，但系咬落去仍然感觉到佢系好多汁。
墨西哥粟米片，之前系其他餐厅食过系将粟米片上面既三种酱捞埋一齐。但今次就另一番感觉，因为粟米片上可以见到三种酱分开摆放，觉得卖相提升左好多。食既时候再自己随意加减份量，其实咁既食法仲好。
手制肉丸pizza，普通批既size，每一块都可以见到有好多肉丸，再加上惹味酱汁，食落唔会太干身。再者，pizza用上薄批边，令到整个批食落唔会好快就济。
松露野菌意粉，味道香浓，可以见到面头仲有一条条既芝士系上面，意粉既周围都比野菌围住。意粉带少许弹牙，好滑口，黑松露汁非常浓味，不过自己本身都钟意黑松露只味，所以都几讨好。
估唔到呢间酒吧除左饮得，仲食得！
张贴
