稚內日式創作料理居酒屋 (已結業)

香港食日本野嘅餐厅多到数都数唔晒，日式西餐都有好多选择～但系西式日式Fusion菜又好似比较少有．𠮶晚同 Farewell 旧同事，拣左呢间稚内日式创作料理居酒屋，位置唔算僻，但因为同酒吧做邻居，有几个朋友都行过左都唔知，但估唔到食落有啲惊喜，已决定择日Encore。𠮶日虽然系星期一，但小店都系订位安全啲，所以去到唔洗等就入得，间铺座位唔算多，开始仲觉得几迫，但由七点半坐到Last order十点半，又觉得OK㖞～而且我地因为等埋朋友所以都坐左一阵先落单，佢地都催我地要叫野食，反而仲几热心介绍有咩推介。【极上刺身盛】就系店员推介，的确唔错，上嘅时候仲有干冰嘅烟，好鬼有气势。我地倾得兴起，食得有啲慢，但店员都会提醒我地要趁早食，而无比我地感觉系催我地～【鸭肶蒿麦面】系最后我地忍唔住加单叫的，系11月限定嘅menu，鸭肶炆得相当稔，唔怕难分。加上荞麦面系我至爱，所以特别喜欢呢一道菜。加单其实仲加左只烧春鸡，不过无影到相，佢酿左啲薯仔入去，好入味！我地走左之后醒起无影到大合照，走番入去问店员，店员都好好咁帮我地影相～！味道OK服务又OK，埋单又唔算贵，绝对值得Encore。