我愛慢煮 (孖沙街) (已結業)

一入到间餐厅就觉得好有feel，坐近门口位会响霓虹灯映照之下食野，感觉好岩同三五知己一边吹水一边饮野。由于去既时侯已经好晏，所以净系叫主食，但见佢有好多唔同既手工啤，其实都好想试下。荔枝特饮个造型几靓，仲有大大粒荔枝食。饮落都有荔枝味，几特别，饮落几开心，又有𡁻口，但记得要搅匀先饮。不过个人比较偏好淡d既野饮，呢杯对我黎讲微微偏甜。呢个芝士温泉蛋大啡菇十分推荐。芝士下面有温泉蛋，一切开蛋浆爆出，大啡菇本身都好juicy，沾埋蛋浆食就更显多汁。微微烤过既芝士好好味，记得趁热食最好食。睇落简单既大啡菇，但都见到佢既心思。芝士忌廉菠菜苗会令人想叫完又叫。菠菜苗嫩口，芝士忌廉好神奇地一d都唔腻，食落会觉得好滑，简直系一种享受。份量唔多，绝对可以叫多份，不过呢间铺都有其他菜式都好吸引，令人每样都想试下。第一次食慢煮野，见到羊胺膝肉质好软腍，肉汁亦锁响入面，一上菜既时候都忍唔住赞下佢。不过食食下好似隐约有点苦味，不过朋友觉得冇咩野，几好食。佢话有可能系羊骚味，可能我食唔惯羊，下次会拣番牛食。本身想食红酒梨做甜品，好似比较常见d，可惜个时卖哂。于是试左白酒菠萝配雪糕。好庆幸食左呢个甜品，白酒味道好香