稻香 (新九龍廣場) (已結業)

虽然已经一早预订酒席,但系上菜仍然好慢,话左可以起菜之后,竟然等左半个钟都未有野黎,仲要三催四请,一黎又黎两道菜,跟住又停,好多次都要等好耐至到下一道菜,唔系几好…虽然个小姐既服务态度其实系好好既…食物方面,大部分都系普通兼大路,不过有几项值得提一提。第一系芝士焗龙虾,虽然味道唔错,碟底既伊面又好味,但系芝士味太轻,可以话唔系好食得出,如果多番d会好一点;其次系蒸鱼.整得唔算好,食到有腥味;比较求其而差既系个什么海龙卷,话就话个馅系海鲜,但系都食唔出有咩海鲜,鱼肉都唔多件咁,个炸皮仲衰,又唔系春卷皮又唔系米纸卷,而系介乎两者之间,口感好怪!好既都有,就系最后既传统饭面,改左系炒饭同水饺,个水饺几好味,有猪肉又有虾肉,唔算好大只,一人可分得两只,岩岩好,仲每碗有一条小棠菜加半个蕃茄仔,卖相都几靓架!另外,寿包都唔错,大大只,莲蓉馅够滑,我喜欢佢无蛋黄,唔会太油又唔会太唔健康,即整即食,又热又好味!拉匀黎计,叫做OK!