影片
更多
2018-04-05
164 浏览
川菜,系中菜当中我最爱既菜式之一,而且唔会想过学煮,因为无论用料/辣椒/油/河鲜等等,都唔会容易搜罗,何况广东人煮辣根本就系事倍功半,所以我情愿出去尝辣!近来见CWB开左间川府宴,标榜传统川菜,所以满心欢喜约三五知己去开餐! 不过今次就有意外"惊"(无喜)!打开餐牌,我差d以为去左酒店川菜馆! 酸辣土豆丝$88??其一呢款系爱最爱的湘菜,属唔属川菜都系一个问题。其二我用少于$10都可以煮到既菜,我唔会用$100去食唔肯定系正宗的菜式。好啦,再谂下叫条正宗水煮鱼啦,但见到要差唔多$500食条桂林鱼,我真系说服唔到我自己啰!唯有再选其他啦,叫d普通川菜啦! 点知再望仲惊…麻婆豆腐$128??莫非四川空运到港的山水豆腐,食完识飞?我再次说服唔到自己叫!结果我意兴阑珊,交返个波比朋友点菜：1st 纸包牛肉：朋友见台台都叫,应该系招牌菜,所以点左呢道! 上台既时候,卖相就一流,用玉扣纸包住,要切开来食,唔讲以为食紧盐焗鸡添啊! 店员介绍个牛系安格斯黎架,肉质嫩滑! Well,个牛既质地几好既,不过真心食唔出同旁边辣椒有几大关系。牛肉系多少吸左辣椒既辣,但得辣椒味无辣香! 讲真唔明点解要纸包,盐焗
近来见CWB开左间川府宴,标榜传统川菜,所以满心欢喜约三五知己去开餐! 不过今次就有意外"惊"(无喜)!
打开餐牌,我差d以为去左酒店川菜馆!
酸辣土豆丝$88??其一呢款系爱最爱的湘菜,属唔属川菜都系一个问题。其二我用少于$10都可以煮到既菜,我唔会用$100去食唔肯定系正宗的菜式。
好啦,再谂下叫条正宗水煮鱼啦,但见到要差唔多$500食条桂林鱼,我真系说服唔到我自己啰!
唯有再选其他啦,叫d普通川菜啦!
点知再望仲惊…麻婆豆腐$128??莫非四川空运到港的山水豆腐,食完识飞?我再次说服唔到自己叫!
结果我意兴阑珊,交返个波比朋友点菜：
1st 纸包牛肉：朋友见台台都叫,应该系招牌菜,所以点左呢道! 上台既时候,卖相就一流,用玉扣纸包住,要切开来食,唔讲以为食紧盐焗鸡添啊!
店员介绍个牛系安格斯黎架,肉质嫩滑! Well,个牛既质地几好既,不过真心食唔出同旁边辣椒有几大关系。牛肉系多少吸左辣椒既辣,但得辣椒味无辣香! 讲真唔明点解要纸包,盐焗就话盐香经纸焗入鸡,咁纸包牛肉又系咩原理?
纸包牛肉
$288
18 浏览
0 赞好
0 留言
2nd 藤皇麻香鸡：呢个菜好味既,起码花椒味浓,麻而不辣! 系味道上系一个特别配搭! 相对$288既纸包牛肉,$168既麻香鸡显得性价比几高!鸡有好多块,鸡皮算滑,口感都okay,!咁当然呢度酒店级既价钱唔好预系食新鲜鸡啦! 冰鲜有呢个质素算唔错!
藤皇麻香鸡
$168
21 浏览
0 赞好
0 留言
叫左两个主食,我地见埋单两个都成$500,所以朋友仔话加个饭同担担面就算啦! 正当我以为可以食返正常四川担担面,但原来惊吓未完…点解个担担面系干身既?个麻酱呢?辣辣口感呢?咁跳tone既担担面真系第一次,似凉伴多d! 食落其实味道都唔错既,面身好爽口…但真系好少下…似小食多过面食!
担担面
$46
6 浏览
0 赞好
0 留言
食完埋单见连埋茶位加一都成$600!
其实,两个人食$600就围都要,但系要视乎食乜,呢餐食完好似同无食过一样! 真系几失望,所谓雷声大,雨点少,不外如是!
张贴
