影片
更多
2023-10-29
1002 浏览
去完故宫博物馆，费事行去第二度，就上嚟呢度食。当晚约有六枱客，环境清静，最吸引当然系个夜景！菜牌用iPad ，以为好先进😂，都系人手落单！菜式普通，结果我哋拣咗一人套餐。前菜三小碟，中间的华梅车里茄最好食，酸酸甜甜，真开胃；叉烧够淋，只得两片；醉鸡冇乜酒香味。茶树菇螺头炖汤，够浓但唔鲜甜，只有咸味。最差的是两个朋友𠮶碗都系热辣辣，我𠮶碗系和暖的。堂堂高级酒楼，可以咁求奇？皇后大虎虾，买相好靓，虾壳煎香，虾肉本身冇乜味，靠个甜甜哋嘅汁，同洒啲虾子。侍应冇收走我哋食完虾𠮶套刀叉，原来留返食海参😂虾同海参唔同味，换套刀叉有几难！花菇入味，其实个汁唔错，但海参未够火候，要炆耐啲。全个套餐以芙蓉烩海斑球最似样。芙蓉系上汤、炸瑶柱、蛋白、番茄等，清清哋。唔系新鲜班球，肉质实而无味。食埋上面的炸姜丝，可以僻腥味。鱼汤浸温室菜苗，汤浓够热有鱼味，浸几条白菜仔，有住家𩠌风味😂食埋甜品蛋白杏仁茶，朋友话啱啱够饱当晚得三个侍应，唔知系唔系唔够人，我哋啲碗碟，一系等好耐都冇人收，一系就未食完（朋友仲挟住嚿𩠌）冇问过我哋就收走又大力放低食物，连普通酒楼啲姐姐都好过佢哋！我嘅评分系中下，未至于劣评。希望日后可以改
菜牌用iPad ，以为好先进😂，都系人手落单！
菜式普通，结果我哋拣咗一人套餐。
前菜三小碟，中间的华梅车里茄最好食，酸酸甜甜，真开胃；叉烧够淋，只得两片；醉鸡冇乜酒香味。
茶树菇螺头炖汤，够浓但唔鲜甜，只有咸味。最差的是两个朋友𠮶碗都系热辣辣，我𠮶碗系和暖的。堂堂高级酒楼，可以咁求奇？
皇后大虎虾，买相好靓，虾壳煎香，虾肉本身冇乜味，靠个甜甜哋嘅汁，同洒啲虾子。
侍应冇收走我哋食完虾𠮶套刀叉，原来留返食海参😂
虾同海参唔同味，换套刀叉有几难！
花菇入味，其实个汁唔错，但海参未够火候，要炆耐啲。
全个套餐以芙蓉烩海斑球最似样。芙蓉系上汤、炸瑶柱、蛋白、番茄等，清清哋。唔系新鲜班球，肉质实而无味。食埋上面的炸姜丝，可以僻腥味。
鱼汤浸温室菜苗，汤浓够热有鱼味，浸几条白菜仔，有住家𩠌风味😂
食埋甜品蛋白杏仁茶，朋友话啱啱够饱
当晚得三个侍应，唔知系唔系唔够人，我哋啲碗碟，一系等好耐都冇人收，一系就未食完（朋友仲挟住嚿𩠌）冇问过我哋就收走又大力放低食物，连普通酒楼啲姐姐都好过佢哋！
我嘅评分系中下，未至于劣评。希望日后可以改善啦！
张贴
