Fûhn (香港逸東酒店)

营业中

休息中

今日特别想食越南菜，甘啱有嚟到佐敦附近，所以就想OpenRice度搜寻一下有咩好食嘅越南菜式。就见到位于逸东酒店嘅fuln,我决定同朋友去试吓。可能系因为酒店嘅关系所以都可以揾到位。佢系类似food court 嘅形式。我哋一人叫咗一个特色牛肉汤面，朋友就食河粉，我就食檬粉。小食方面我哋叫咗鸡翼，越式猪颈肉，同埋素菜米纸卷。嘢饮就叫咗牛油果奶昔同埋越式咖啡沙冰。首先就系试咗佢嘅特色牛肉汤面，我就最钟意佢嘅生牛肉，好嫩滑，好新鲜。值得一提嘅系佢个河粉好好食，好滑，索晒啲汤汁，所以建议大家拣河粉。而佢嘅汤面汤底好鲜甜，配料加埋青柠汁，酸酸甜甜好开胃。小食方面，我觉得佢嘅鸡翼都几好食，好脆好香。而佢嘅猪颈肉味道都唔错，可惜就系肥咗少少， 我哋两个人share一碟都食唔晒，如果多人嘅话会比较好啲，因为真系有少少腻。可能我唔系好钟意啲香料，所以就麻麻哋佢嘅米纸卷。我好钟意杯牛油果沙冰，虽然唔系好重牛油果味，但淡淡嘅牛油果香配以牛奶，原来都几夹，同呢个配搭几特别，我强烈推荐大家都可以试吓，因为真系好好饮㗎。有朋友点嘅咖啡沙冰都唔错。人均消费大概每人＄190 ,呢个价钱都合理嘅。