影片
更多
2016-10-05
292 浏览
有朋友介绍话尖少咀间「意粉厨房」环境唔错，今日食晏谂唔到去边，横掂就脚就试一试。开头谂住放饭时间要等位，点知唔使，心谂唔知会唔会中伏，但餐牌D set lunch菜式都合口胃，最后叫左个最稳阵嘅香草三文鱼忌廉汁意粉，因为经验话俾我听，愈简单嘅就愈考工夫，好似公仔面咁，你好难整到唔好食，而如果工夫好，就有本事做到好味到爆。结果？都算喜出望外，首先讲D意粉，软硬适中，感觉唔似整左好耐，而且份量唔少，对于要食饱做野嘅人讲，有可能连下午茶都悭番；个汁就比预期中好食，而且啱晒唔多钟意浓味嘅我；但个主菜三文鱼就真系普通喇，份量都OK，但味道唔能够话特别好。不过，其实个餐嘅汤同餐饮都有酒店嘅水准，个人特别钟意个汤。所以整体讲，都有80分以上，值得下次揾D其他无咁稳阵嘅菜式试下。
开头谂住放饭时间要等位，点知唔使，心谂唔知会唔会中伏，但餐牌D set lunch菜式都合口胃，最后叫左个最稳阵嘅香草三文鱼忌廉汁意粉，因为经验话俾我听，愈简单嘅就愈考工夫，好似公仔面咁，你好难整到唔好食，而如果工夫好，就有本事做到好味到爆。
结果？都算喜出望外，首先讲D意粉，软硬适中，感觉唔似整左好耐，而且份量唔少，对于要食饱做野嘅人讲，有可能连下午茶都悭番；个汁就比预期中好食，而且啱晒唔多钟意浓味嘅我；但个主菜三文鱼就真系普通喇，份量都OK，但味道唔能够话特别好。
不过，其实个餐嘅汤同餐饮都有酒店嘅水准，个人特别钟意个汤。所以整体讲，都有80分以上，值得下次揾D其他无咁稳阵嘅菜式试下。
张贴