千上日本料理 (已結業)

尖沙咀的餐厅总是满场，星期五六日会更加繁忙。唔想等位嘅话，可以考虑下去酒店嘅餐厅，环境不会迫夹。粤海酒店乘电梯上一层，就会见到装修雅致嘅千上，果然唔洗等位。黎酒店餐厅食嘢就预咗要俾贵少少，买个环境同埋气氛丫嘛。餐厅会先上两碟前菜，系螺肉同埋中华沙律，几好味。蟹籽沙律 $68青瓜爽口，蟹籽和蟹柳的份量都几多，唔错。三文鱼刺身 $68甜虾刺身 $68北寄贝刺身 $58三文鱼不算肥美，而且$68仲要得4片。甜虾系唔错嘅，甜甜的，啲肉唔会梅。北寄贝有惊喜，系四只完整的北寄贝，而唔系平时见到嘅一开二，肉质仲几爽甜添！不过其中一只有少少沙。雪花面谱啤酒日本餐厅做promote的中国啤酒，同海鲜类唔系好夹，搅到个口多咗浸腥味，唔识欣赏。铁板山贼鸡肉 $88黑椒鸡肉几惹味，底下的洋葱充满牛油香。酱油炒饭 $78酱油的咸味很突出，金菇很爽口，不过炒得有啲过火，有浸㶶味，可惜。