影片
更多
2015-12-11
263 浏览
一向对德国餐情有独钟，尤记得刚毕业时到德国旅行，见到当地人系户外木制长枱一边举杯畅饮德国啤，一边品尝各种德国香肠，那种畅快感觉，到依家仍然系沥沥在目。系数年前已经帮衬过这间德国餐厅Fass两次，今次同好友聚餐，难得可以把酒言欢，便提意呢间有质素嘅Fass。Fass位于河内道，K11对面，港铁站N2出口。入口位于酒吧旁，沿著楼梯向下走，就有如入酒窖一样神秘。餐厅以一个个大啤酒桶作主题，大家可以坐系木桶内用餐，私人度十足，想悄悄话都唔怕隔离听到。食德国餐一定唔少得啤酒，点了Bitburger lemon draft beer 0.5L $75。啤酒泡十足，色泽通透，饮落带点柠檬香气，虽然麦味唔多，但胜在易入口，啱晒女仔口味。仲有其他嘅draft beer同bottle beer，总有一款啱自己口味。Salad 点咗tomato and buffalo mozzarella cheese$108 ，同埋classic caesar$98 。两个沙律都非常出色，切厚片的mozzarella 水牛芝士，配上切片的番茄，以及新鲜的罗勒叶，口感清新，旁边嘅沙律菜同样新鲜，黑醋酸而带点果香。至于Cla
Fass位于河内道，K11对面，港铁站N2出口。入口位于酒吧旁，沿著楼梯向下走，就有如入酒窖一样神秘。餐厅以一个个大啤酒桶作主题，大家可以坐系木桶内用餐，私人度十足，想悄悄话都唔怕隔离听到。
食德国餐一定唔少得啤酒，点了Bitburger lemon draft beer 0.5L $75。啤酒泡十足，色泽通透，饮落带点柠檬香气，虽然麦味唔多，但胜在易入口，啱晒女仔口味。仲有其他嘅draft beer同bottle beer，总有一款啱自己口味。
Salad 点咗tomato and buffalo mozzarella cheese$108 ，同埋classic caesar$98 。两个沙律都非常出色，切厚片的mozzarella 水牛芝士，配上切片的番茄，以及新鲜的罗勒叶，口感清新，旁边嘅沙律菜同样新鲜，黑醋酸而带点果香。至于Classic Caesar 凯撒沙律，跟一般凯撒沙律略有不同，罗马生菜切成粒粒状，食落更加爽脆而且厨师已经一早预伴好沙律，令沙律菜平均沾满沙律酱亦，无平时食酱多个食菜嘅感觉，Parmesan cheese 份量适宜，配上煎香嘅烟肉碎，提升整沙律咸香。
食德国菜又点少得咸猪手呢？我觉得咸猪手最能够显示出餐厅嘅功力。Roasted Pork Knuckle $198,咸猪手皮脆肉嫩，每一啖都夹著脆卜卜同埋油香，而且亦唔会过咸，每一啖都充满骨胶原。配上芥末酱，以及德国酸菜，去中和返油腻感觉。Side dishes拣咗meshed potato $38同pan fried potato $45 。两个配菜都相当出色，薯蓉口感细滑，充满牛油香味，令人爱恨交缠。香煎著仔镬气十足，加上洋葱茄汁一齐煎香，简直香气四溢。
Brised ox tail served with risotto $178，十分正宗嘅一个意大利饭，好多时西餐厅都会将意大利米煮到好似珍珠米一样口感，而满足中国人对米饭嘅要求，但可惜正宗嘅risotto 煮好时嘅质感好像半熟米一样，难让习惯熟烂米饭的亚洲人接受。但要吃当然要吃正宗，否则就同系茶餐厅据扒一样算罢。Braised ox tail固名思义系烩牛尾，整碟意大利炖饭都充满了浓郁嘅烩牛尾味道，吸收了全部精华。
最后黎甜品lemon tart $68，外表卖相吸引，面头上嘅棉花糖烤得半焦半溶，里面夹著柠檬味吉士，非常清新，lemon tart配上Ram raisin 雪糕，够晒特别。喜欢酸酸甜甜嘅朋友绝不能错过。
几年后再同呢间餐厅重遇，感觉依旧，食物质素依旧美味，环境格调亦无改变。假如想尝试一下德国人对啤酒以及美食嘅追求，这间餐厅绝不能错过。P.S.如果想坐木桶，记得一定要预约啊~
张贴
