影片
更多
2009-04-10
见杂志推介过，而且佢前身嘅Cafe又好评，在小公主想试及提议之下，我地今日喺walk-in嘅情况下，就入去试了。餐厅系位于湾仔合和中心斜对面商业大厦嘅一楼，有扶手电梯直达，又或者地下有个lift lobby，有埋menu比你睇，搭lift上去亦得。去到，waitress系讲英文嘅，但系又识少少中文，应该系南亚裔人士，不过入面系有本地人 serve你嘅。我地系1830walk-in嘅，预先冇订枱，waitress问我地可以2000交枱得嘛? 我地当然冇问题，问题在于佢可唔可以准时上到菜比我地食完走。最后佢都可以比到枱我地，不过真的细得可怜，你同对方甚至乎可以伸长条颈，锡住对方咁食饭，你话你sweet呢......言归正转，但系观乎全场，张张枱都系咁细，而且枱与枱之间空间有限，冇咩privacy可言。佢地亦都冇餐巾提供，都唔知想做咩级数，大家可想而知。我地睇佢地嘅set，觉得common咗啲，而且小公主预先睇过人地嘅食评都推介一啲set入面冇嘅菜式，咁就唯有a la carte了。我地叫咗salad, soup, 意大利菜嘅主打 risotto & pasta, 再加一个dessert。
餐厅系位于湾仔合和中心斜对面商业大厦嘅一楼，有扶手电梯直达，又或者地下有个lift lobby，有埋menu比你睇，搭lift上去亦得。去到，waitress系讲英文嘅，但系又识少少中文，应该系南亚裔人士，不过入面系有本地人 serve你嘅。我地系1830walk-in嘅，预先冇订枱，waitress问我地可以2000交枱得嘛? 我地当然冇问题，问题在于佢可唔可以准时上到菜比我地食完走。最后佢都可以比到枱我地，不过真的细得可怜，你同对方甚至乎可以伸长条颈，锡住对方咁食饭，你话你sweet呢......言归正转，但系观乎全场，张张枱都系咁细，而且枱与枱之间空间有限，冇咩privacy可言。佢地亦都冇餐巾提供，都唔知想做咩级数，大家可想而知。
我地睇佢地嘅set，觉得common咗啲，而且小公主预先睇过人地嘅食评都推介一啲set入面冇嘅菜式，咁就唯有a la carte了。
我地叫咗salad, soup, 意大利菜嘅主打 risotto & pasta, 再加一个dessert。
1. Bread - 唔系挂，唔通因为个汤已经跟埋件法包，所以我地两个人佢只系比半旧面包就算??? 几样衰呀，唔使咁悭嘛，而且面包半身一啲水份都冇，干净净，唔好食。
2. French Onion Soup 法式洋葱汤 - 待应真系好唔专业，之前已经问咗系我要汤，佢竟然唔识睇spoon嘅摆位上菜，都唔用脑嘅，态度仲要........之后啲Margarine上仲搞笑，watiress见冇位，索性问都唔问，竟然摆咗喺我地嘅碟上面，真系唔知好嬲定好笑。讲返正题，啲洋葱丝切到好幼，但系煮得太淋，冇咩咬口，不过汤味极浓，好饮的。𠮶块法国包唔吃也罢，又干，上面仲要唔知点解就咁洒上芝士粉，几搞笑。
3. Italian Parma Ham Caesar Salad 意大利帕尔马火腿凯撒沙律 - 首先只碟系崩咗几个位，咁肉酸，好心就换咗佢啦，可能真系呢个价钱，所以就呢种货式啦，都唔明佢地想点。食物方面，Caesar已经浓味，见餐牌见几得意嘅配搭咪试吓啰，点知咪又赖嘢啰，啲Parma Ham同Caesar啲味互抢，芝士亦唔系落一片片的，竟然系用粒条状，真系奇型怪状，蔬菜亦系会用上菜头，好cheap呢...
4. Linguini with Fresh Shrimps, Italian Baby Clam Meat, Bacon, & Mushroom in Pesto Sauce 榄油蒜片鲜虾, 意大利BB蚬肉，烟肉，野菌青酱炒扁意粉 - 主菜就有返啲睇头，意粉煮到啱啱好，外面仍爽，内里透心，用料新鲜，煮意粉最好就系切到啲材料细细粒，咁每一淡只可以有机会捞埋啲意粉一齐入口，每一淡都咁丰富，佢就做到呢种效果，将啲磨菇, bacon, 蚬肉切到细细粒，啲味完全出哂嚟，虾亦都新鲜，爽滑 ; 我最欣赏就系个汁，佢竟然可以做到落榄油嘅份量冇多冇少，啱啱够上哂啲意粉，碟底系冇多余油份，所以完全唔会感觉油腻，食多一碟都可以。
5. Wild Mushroom & Italian Cuttlefish Ink Risotto with Fresh Shrimps & South Australian Scallops (2 Pieces) 野菌意大利墨鱼汁意大利饭伴鲜虾及香煎南澳带子(2只) - 相反地，呢个意大利饭就好腻了，但系佢真系煮得好香，唔会水汪汪，因为本人最怕见到好似泡饭咁嘅Risotto。用料虽好，但系就全部用油煎过，加埋啲饭，会拎你觉得好滞，好难食得多，不过你会觉得用呢个价钱食真系抵。
6. Hot Chocolate Pudding with French Vanilla Ice Cream 心太软伴云厘娜雪糕球 - 应该系佢地嘅招牌甜品，可能希望愈大........佢地嘅chocolate cake好热，一切开，入面嘅chocolate syrup suppose会漏出嚟，但系今次冇，唔系佢入面唔够热唔够溶，而系syrup嘅份量少 ; 再者，雪糕就太冻，硬到净啲分唔开，仲要冻到牙都震，虽然已经夹埋啲热辣辣嘅chocolate cake一齐食。
Comments: (4/5) 人均消费$170。环境实在太嘈，气氛同情调都欠奉，待应都唔专业，但系两个主菜为佢地净回不少分数，所以如果喺湾仔区嚟讲，我都会有机会再帮衬，因为以呢个价钱，呢个份量，第二区都几难揾到。
张贴
