圓老爺雞煲小廚 (已結業)

今日难得同男朋友入嚟元朗拍拖，拍完之后唔想成日食西餐，于是我就拣咗一间小菜嚟食。喺门口都需要等一阵位先入得去，见到入面位置唔多。入去坐低本身都想试吓鸡煲，但系因为最近好热气，所以就叫咗小菜。点知反而仲有惊喜！糖醋咕噜肉咕噜肉系真系我哋去到边度都会叫嘅小菜嚟，呢度嘅咕噜肉都做得好好，首先佢肉排炸得好脆口，之后佢嘅调味系用咗意大利陈醋，令到成件事同传统嘅咕噜肉唔同，唔会有一阵死酸嘅味道，反而系好清新。本身打算唔食饭，但都忍唔住叫咗碗白饭。赛螃蟹见到餐牌上面有呢个𩠌，觉得好惊喜。多数嘅小型餐厅系唔会有呢个送嘅，因为准备功夫同埋师傅嘅功力都要十足。呢度嘅赛螃蟹做得唔错呀，蛋炒得好滑，加上瑶柱同蟹子，食落真系有蟹肉嘅感觉。唯一嘅美中不足就系呢度冇配上淅醋，如果有一定会更好味。咸蛋蒸肉饼至于呢味咸蛋蒸肉饼，就系我男朋友嘅至爱。我唔系食咗好多，但系我好钟意佢肉饼入面有好大量嘅马睇，有啲肉饼入面死实实，但系呢个就做得好送饭同埋有口感。蒸嘅时间都掌握得好好。椒丝腐乳炒唐生菜估唔到今晚呢一碟炒菜会系我最推介嘅食物，腐乳味好够，啲菜都炒得啱啱好唔会太熟，个味道真系好适合送饭！虽然我成日食小菜，但系好少大排档