盈館

营业中

休息中

好耐都冇同屋企人去酒楼食嘢了，好怀念，今晚可以嚟酒楼聚一聚真系开心。我哋好早就嚟到喇，6:00酒楼先啱啱开始投入服务。咁店员因为疫情之下都几细心嘅，佢亲自帮我哋攞啲餐具去用滚水消毒，值得赞赏。我哋首先嗌左一个带子虾仁炒鲜奶，好钟意食炒鲜奶，因为好香滑。咁呢度呢用咗细细粒带子同埋个虾仁系超级爽滑，夹埋啲滑滑嘅炒鲜奶成个𩠌好配合。屋企人钟意食鱼咁就叫一个龙趸两味：一个系清蒸斑头腩。另一个就系碧绿炒斑球。一上碟即刻吸引着我嘅眼球。鱼两味系几抵食同埋几丰富，斑头腩用清蒸嘅方法食鱼唔同嘅部位，可以食到佢嘅鲜味。而后者呢就夹埋其他蔬菜一齐食，鱼肉啖啖肉又有啲又有碧绿嘅蔬菜喺下低吸收着鱼鲜味，不过如果龙趸两味啲鱼可以调味落返多少少就更加能带出佢嘅鲜味。之后仲食埋正宗嘅片皮鸭，职员即刻喺我哋面前切鸭，新鲜热辣。𠮶个薄饼仲有好多份量夹埋佢呢个京葱特别重口味令人觉得特别正宗！好丰富呀！其实呢度都几舒服同埋干净，环境够开明开扬同阔大。我哋坐低冇耐，茶楼都已经坐咗多几枱客人，睇嚟大家都希望快啲能够再到茶楼一聚。