影片
更多
2021-07-31
127 浏览
私房菜就听得多，喺酒楼食私房菜真系第一次！ 之前都试过喺「 御名轩 」同屋企人饮茶，觉得佢嘅点心小菜质素都不错，所以对于今次私房菜都好期待😌私房菜套餐每位$688 ，由前菜到甜品总共八道菜，价钱虽然唔平，但见有鱼翅同鲍鱼等较矜贵食材，所以尚算合理👍🏻《 餐前三小碟 》先来个前菜三小碟，卖相精致😳 胡麻茄子好爽口；避风塘豆腐粒就香脆惹味；而最特别就系脆皮手撕鸡包蜜瓜，好似中式版嘅巴马火腿配蜜瓜，估唔到又几夹😋《 冬虫草螺头炖竹丝鸡 》一打开炖盅已经被佢嘅香气吸引🤤 经慢火炖煮出黎嘅汤滴滴精华，每一啖都可以饮到浓郁嘅鸡肉味同螺头嘅鲜甜味😋 加入咗冬虫草仲有滋补嘅功效😍 《 菜胆炖大排翅 》份量满满嘅爽口大排翅，用上汤熬制，汤头充满骨胶原😋 完全品尝到店家用料毫不吝啬，食到一梳梳嘅鱼翅！食嘅时候加入浙醋风味更佳🤤《 鱼露干煸南非鲍鱼 》将原只鲍鱼切粒，方便食客唔洗慢慢切呢个做法好细心🥰 鲍鱼肉口感弹牙，鱼露酱汁提鲜之余亦唔会太咸👍🏻 配搭埋翠玉瓜同三色椒碎，摆盘好有心思😍《 芝士蛋白炒虾球 》芝士炒蛋白，再配上爽甜弹牙嘅虾仁🍤，看似简单嘅菜式要做到好食好考师傅嘅功夫👍🏻 蛋白滑溜唔鞋口，仲有
私房菜套餐每位$688 ，由前菜到甜品总共八道菜，价钱虽然唔平，但见有鱼翅同鲍鱼等较矜贵食材，所以尚算合理👍🏻
《 餐前三小碟 》
先来个前菜三小碟，卖相精致😳 胡麻茄子好爽口；避风塘豆腐粒就香脆惹味；而最特别就系脆皮手撕鸡包蜜瓜，好似中式版嘅巴马火腿配蜜瓜，估唔到又几夹😋
《 冬虫草螺头炖竹丝鸡 》
一打开炖盅已经被佢嘅香气吸引🤤 经慢火炖煮出黎嘅汤滴滴精华，每一啖都可以饮到浓郁嘅鸡肉味同螺头嘅鲜甜味😋 加入咗冬虫草仲有滋补嘅功效😍
《 菜胆炖大排翅 》
份量满满嘅爽口大排翅，用上汤熬制，汤头充满骨胶原😋 完全品尝到店家用料毫不吝啬，食到一梳梳嘅鱼翅！
食嘅时候加入浙醋风味更佳🤤
《 鱼露干煸南非鲍鱼 》
将原只鲍鱼切粒，方便食客唔洗慢慢切呢个做法好细心🥰 鲍鱼肉口感弹牙，鱼露酱汁提鲜之余亦唔会太咸👍🏻 配搭埋翠玉瓜同三色
椒碎，摆盘好有心思😍
《 芝士蛋白炒虾球 》
芝士炒蛋白，再配上爽甜弹牙嘅虾仁🍤，看似简单嘅菜式要做到好食好考师傅嘅功夫👍🏻 蛋白滑溜唔鞋口，仲有黄色紫色嘅椰菜花作点缀🥦
《 鲜蟹肉扒露荀🦀 》
食完几味较浓味嘅菜式，黎返个清淡啲嘅露荀中和返😋 蟹肉芡非常足料，食到啖啖蟹肉丝👍🏻 露荀煮得啱啱好唔会太淋，清甜爽脆😙
《 香草烩美国牛肋条 》
牛肋条嘅肉完全吸收晒酱汁🤤 肉质软绵绵，仲有好浓郁嘅牛味😋 熟嘅程度刚好，唔会过老👍🏻
《 酒香药膳蒸滑鸡 》
黎到最后一道主菜，一打开竹盖就闻到好清香嘅药膳味👍🏻 鸡嘅份量虽然唔系好多，不过食到呢度其实已经好饱😹 药膳鸡底系糯米饭，吸收晒鸡件、药材同酒嘅精华，甘甘甜甜，仲有阵荷叶香😋
《 小甜品 》
好头好尾，甜品都系以三小碟嘅形式上菜🍡 有芝麻绿豆糕、麦皮冻糕同炸脆片 🤤 最令人惊喜一定系「 芝麻绿豆糕 」！ 上半层芝麻糕，中间夹杂清甜嘅绿豆，而下半层就系香甜嘅椰汁糕😍 好耐冇食过咁浓稠嘅芝麻糕，满满嘅芝麻渣，系好突出嘅芝麻味！ 真系好出色，所以特意外卖一盒比芝麻控屋企人☺️ 😂
总括而言，哩度除左食物有质素，店员服务态度亦好好，中途不停为我哋斟茶加水，唔似平时系茶楼成日叫极都冇人应🥲 虽然价钱略贵，但遇到要特别庆祝嘅节日都值得黎一试👍🏻
张贴
