影片
更多
2019-11-16
158 浏览
行过见到呢间新开张嘅「金公馆」，竟然有时令「大闸蟹」食，十分过瘾，拎咗飞等一阵就入咗去两个人落单好快，叫咗两个汤，必食嘅片皮鸭同大闸蟹呢个杏汁白肺汤唔系度度餐厅有，因为清洗猪肺要花好多时间同功夫，原盅连盖上，上枱嘅时候热到滚两盅嘅汤都用料十足，入面有猪肺，菜干，水展肉杏汁味道唔会太浓，加咗菜干同猪肉煲出嚟好鲜甜，猪肺好软淋成盅汤都好香浓，一啲腥味都冇，滋润补身半只片皮鸭好靓，差不多有12片皮同鸭肉，份量足十分够食感觉呢间明明唔系专门食鸭嘅餐厅，但系比起某某鸭子餐厅更为贴心，上菜嘅时候特登再奉上湿纸巾抹手而且！佢每张皮同皮之间，都有层纸隔住，免却咗花时间搣开痴住哂嘅皮，真系超好服务嘅设计摩摩皮薄得嚟够韧，包上京葱，青瓜，焦脆嘅鸭皮不带多余嘅油脂，再夹上厚厚嘅鸭肉包起来唔容易穿，整个diy嘅肉味香浓，绝对系令人难忘嘅味道除咗正宗嘅北京填鸭酱，呢度亦配有香港人口味，食烧鸭必备嘅酸梅酱，几新鲜两只都系带甜，同烤鸭好夹椒盐九肚鱼又叫椒盐豆腐鱼，好香脆，金黄色嘅炸蒜铺满炸好嘅鱼身，外脆内软每条鱼都用薄薄嘅炸粉包裹住，入面雪白嘅鱼肉滑捋捋，又热又嫩，唔系度度都食到好嘢梗系压轴出场，大闸蟹即叫即蒸，只
两个人落单好快，叫咗两个汤，必食嘅片皮鸭同大闸蟹
呢个杏汁白肺汤唔系度度餐厅有，因为清洗猪肺要花好多时间同功夫，原盅连盖上，上枱嘅时候热到滚
两盅嘅汤都用料十足，入面有猪肺，菜干，水展肉
杏汁味道唔会太浓，加咗菜干同猪肉煲出嚟好鲜甜，猪肺好软淋
成盅汤都好香浓，一啲腥味都冇，滋润补身
半只片皮鸭好靓，差不多有12片皮同鸭肉，份量足十分够食
感觉呢间明明唔系专门食鸭嘅餐厅，但系比起某某鸭子餐厅更为贴心，上菜嘅时候特登再奉上湿纸巾抹手
而且！佢每张皮同皮之间，都有层纸隔住，免却咗花时间搣开痴住哂嘅皮，真系超好服务嘅设计
摩摩皮薄得嚟够韧，包上京葱，青瓜，焦脆嘅鸭皮不带多余嘅油脂，再夹上厚厚嘅鸭肉
包起来唔容易穿，整个diy嘅肉味香浓，绝对系令人难忘嘅味道
除咗正宗嘅北京填鸭酱，呢度亦配有香港人口味，食烧鸭必备嘅酸梅酱，几新鲜
两只都系带甜，同烤鸭好夹
椒盐九肚鱼又叫椒盐豆腐鱼，好香脆，金黄色嘅炸蒜铺满炸好嘅鱼身，外脆内软
每条鱼都用薄薄嘅炸粉包裹住，入面雪白嘅鱼肉滑捋捋，又热又嫩，唔系度度都食到
好嘢梗系压轴出场，大闸蟹即叫即蒸，只只重手，重量有成4～4.5両，两只都系蟹公，用铰剪好快拆开哂
搣开入面啲蟹膏好靓，白膏浆口，蟹黄金黄带橙，浓厚有油，一啖啜落去好creamy好爽
大闸蟹嘅肉好结实，都好新鲜，完全够我过口瘾，满口都系蟹粉蟹肉嘅鲜甜，亦可以点一点，配搭有姜蓉嘅醋食，驱驱寒
最后仲叫咗个上汤浸菜芯，菜芯翠绿爽口，上汤浸住够温度，上面仲有原粒炸过嘅蒜头
中式公馆俾人感觉装修精致，食物干净企理
而且呢度咩菜式都有，白肺汤，片皮鸭，九肚鱼呢啲功夫菜整得出色，又有港人至爱大闸蟹呢间中菜餐厅值得encore！
张贴
