影片
更多
2021-08-02
194 浏览
早排去咗呢间位于天后地铁站附近嘅酒楼，试咗佢哋嘅私房菜套餐 $688/位。你无听错，系酒楼做私房菜啊，仲要真心高质好食👍🏻👍🏻1. 餐前三小碟(脆皮豆腐粒/蜜瓜手撕鸡/胡麻茄子)脆皮豆腐粒真系外脆内嫩；脆皮手撕鸡配清新鲜甜嘅蜜瓜，呢个食法真系好新颖而唔会油腻；胡麻茄子就非常开胃😚2. 冬虫草螺头炖竹丝鸡汤/菜胆炖大排翅两款都真材实料，竹丝鸡汤就超级鲜甜；大排翅就真系落得好慷慨，好耐都无食过每一啖都系好粗好有质感嘅翅😍3. 鱼露干煸南非鲜鲍鱼南非鲍鱼切成大粒放咗喺个壳之上，卖相精致到好似西餐咁，非常吸引。食落都好有镬气，一啲都唔会太韧，反而十分爽口弹牙，绝对系卖飞佛😘4. 芝士蛋白炒虾球无谂过蛋白炒虾球嘅presentation 会加埋染咗黄/紫色嘅椰菜花，令到成件事更加高层次。虾球弹牙，但我自己略嫌蛋白偏油腻🙃5. 鲜蟹肉扒芦笋卖相无其他菜式咁精致，但佢个芦笋真系超鲜甜，完全无渣，而且蟹肉嘅份量都非常多而鲜味十足👍🏻6. 香草烩美国牛肋条卖相似牛柳多个牛肋条，一碟有三件。佢个肥瘦分布非常均匀，食落好软稔，而且个牛味浓而不腻🤗7. 酒香药膳蒸滑鸡鸡件真系充满酒香，肉质嫩滑。而药膳嘅甘香就
1. 餐前三小碟(脆皮豆腐粒/蜜瓜手撕鸡/胡麻茄子)
脆皮豆腐粒真系外脆内嫩；脆皮手撕鸡配清新鲜甜嘅蜜瓜，呢个食法真系好新颖而唔会油腻；胡麻茄子就非常开胃😚
2. 冬虫草螺头炖竹丝鸡汤/菜胆炖大排翅
两款都真材实料，竹丝鸡汤就超级鲜甜；大排翅就真系落得好慷慨，好耐都无食过每一啖都系好粗好有质感嘅翅😍
3. 鱼露干煸南非鲜鲍鱼
南非鲍鱼切成大粒放咗喺个壳之上，卖相精致到好似西餐咁，非常吸引。食落都好有镬气，一啲都唔会太韧，反而十分爽口弹牙，绝对系卖飞佛😘
4. 芝士蛋白炒虾球
无谂过蛋白炒虾球嘅presentation 会加埋染咗黄/紫色嘅椰菜花，令到成件事更加高层次。虾球弹牙，但我自己略嫌蛋白偏油腻🙃
5. 鲜蟹肉扒芦笋
卖相无其他菜式咁精致，但佢个芦笋真系超鲜甜，完全无渣，而且蟹肉嘅份量都非常多而鲜味十足👍🏻
6. 香草烩美国牛肋条
卖相似牛柳多个牛肋条，一碟有三件。佢个肥瘦分布非常均匀，食落好软稔，而且个牛味浓而不腻🤗
7. 酒香药膳蒸滑鸡
鸡件真系充满酒香，肉质嫩滑。而药膳嘅甘香就满布于糯米饭之内，真系见得到同食得出有啲红枣、黄耆，好坚💪🏻
8. 小甜品（七彩麦皮冻糕/芝麻绿豆糕）
一款系带有淡淡椰子香嘅冻糕被脆脆哋嘅麦皮包裹著；另一款系带浓郁芝麻香踏在绿豆糕之上，两款都唔会太甜太腻，为整餐私房菜画上完美嘅句号👏🏻👏🏻👏🏻
张贴
