影片
更多
2016-12-22
940 浏览
上次嚟V point食韩式烤鸡，呢次就更上两层楼，嚟到以火锅驰名嘅酒锅。 坐拥铜锣湾闹市廿多层楼高嘅景致。装修就比一般火锅店多一份时尚感。陈设都几有特色，座位亦够宽敞。不过呢日我哋唔系为火锅嚟，而系为咗呢度卖相可爱嘅点心。茗茶拣咗玄米绿茶，味道比较清，用铁茶壸载住仲好保暖。我哋分别试咗几款点心同小菜等等，先系皮蛋豆腐，切片豆腐上放咗皮蛋粒、姜丝同香葱，系一份无乜负担嘅凉菜。酒窝兽，个样好似外星人咁，馅料有微辣泡菜同芝士等等，都几过瘾。鱿来游去，好似鱿鱼晌上汤中畅游咁，造型可爱。上汤加咗啲疑似紫菜碎，同埋仲有啲豆苗点缀。小鱿鱼嘅外皮通透烟韧，入面就有切丝胡萝卜等等，口感爽脆，当中仲有微微嘅黑松露味。黑松露樱花虾烧卖，上面嘅樱花虾同黑松露鲜香，猪绞肉肥瘦均匀富肉汁。原只鲜虾带子肠，呈粉红色嘅肠粉皮系用红米嚟整，比一般嘅嚟得特别，中间仲包住中虾同带子，外滑溜内爽弹。京城香煎葱饼配咖哩酱，煎饼油酥味香，沾晌手中嘅多余油份唔多，附上嘅咖哩酱仲暖暖哋嘅，都几香辣惹味。虫草花滑鸡笼仔蒸饭，配料有鸡件、虫草花、木耳、红枣同香葱，米饭粒粒分明，同埋好有荷叶香，鸡件亦滑口唔嚡。紫心薯软糕，外层包住椰丝，
上次嚟V point食韩式烤鸡，呢次就更上两层楼，嚟到以火锅驰名嘅酒锅。
坐拥铜锣湾闹市廿多层楼高嘅景致。
装修就比一般火锅店多一份时尚感。
陈设都几有特色，座位亦够宽敞。
不过呢日我哋唔系为火锅嚟，而系为咗呢度卖相可爱嘅点心。
茗茶拣咗玄米绿茶，味道比较清，用铁茶壸载住仲好保暖。
我哋分别试咗几款点心同小菜等等，先系皮蛋豆腐，切片豆腐上放咗皮蛋粒、姜丝同香葱，系一份无乜负担嘅凉菜。
酒窝兽，个样好似外星人咁，馅料有微辣泡菜同芝士等等，都几过瘾。
鱿来游去，好似鱿鱼晌上汤中畅游咁，造型可爱。上汤加咗啲疑似紫菜碎，同埋仲有啲豆苗点缀。小鱿鱼嘅外皮通透烟韧，入面就有切丝胡萝卜等等，口感爽脆，当中仲有微微嘅黑松露味。
黑松露樱花虾烧卖，上面嘅樱花虾同黑松露鲜香，猪绞肉肥瘦均匀富肉汁。
原只鲜虾带子肠，呈粉红色嘅肠粉皮系用红米嚟整，比一般嘅嚟得特别，中间仲包住中虾同带子，外滑溜内爽弹。
京城香煎葱饼配咖哩酱，煎饼油酥味香，沾晌手中嘅多余油份唔多，附上嘅咖哩酱仲暖暖哋嘅，都几香辣惹味。
虫草花滑鸡笼仔蒸饭，配料有鸡件、虫草花、木耳、红枣同香葱，米饭粒粒分明，同埋好有荷叶香，鸡件亦滑口唔嚡。
紫心薯软糕，外层包住椰丝，中间系软糯紫薯馅，甜度适中唔腻。呢次除咗大饱口福外，仲大饱眼福，确系个几满足嘅下午。
张贴
