影片
更多
2024-03-01
4684 浏览
一早听过呢间米芝莲餐厅一位难求，先后有星爷、周董帮衬。Batard概念主打Comfort Food配Fine Wine！入面收藏好多名酒，其一卖点可以用零售价黎开酒，因为好多酒鬼都会黎一睹风彩！仲有专业介绍，仲有冇入去参观。Set Lunch for 2 $500/Person 🥂Smoked Beef Tartare, Potato Mille-Feuille★★★★★薯仔酥脆劲有口感食落一层层咁，配落冻嘅生牛肉，好夹。生牛肉上面仲有少少咸蛋黄碎，食落带啲咸味，整体个味道好夹，虽然系前菜，但有惊喜。🥂Chawanmushi, Broccoli, Smoke Broth★★★★☆Fusion茶碗蒸，食落好鲜味，有啲干脆西兰花，加埋滑蛋，食落口感丰富。佢仲有啲三文鱼子，增加鲜味。🥂Charcoal Grilled Threadfin, Sauce Vierge★★★★☆马友烧到岩岩好，鱼油多又香浓，完全冇泥腥味。鱼皮劲酥脆好似薯片咁，鱼肉仲系好鲜嫩，配埋呢个好Classic法式调酱，酸酸甜甜更开胃。仲会有啲腌酸左嘅洋葱，配鱼肉食又系另一番风味。🥂Batard’s Signature Ro
一早听过呢间米芝莲餐厅一位难求，先后有星爷、周董帮衬。Batard概念主打Comfort Food配Fine Wine！入面收藏好多名酒，其一卖点可以用零售价黎开酒，因为好多酒鬼都会黎一睹风彩！仲有专业介绍，仲有冇入去参观。Set Lunch for 2 $500/Person
🥂Smoked Beef Tartare, Potato Mille-Feuille★★★★★
薯仔酥脆劲有口感食落一层层咁，配落冻嘅生牛肉，好夹。生牛肉上面仲有少少咸蛋黄碎，食落带啲咸味，整体个味道好夹，虽然系前菜，但有惊喜。
🥂Chawanmushi, Broccoli, Smoke Broth★★★★☆
Fusion茶碗蒸，食落好鲜味，有啲干脆西兰花，加埋滑蛋，食落口感丰富。佢仲有啲三文鱼子，增加鲜味。
🥂Charcoal Grilled Threadfin, Sauce Vierge★★★★☆
马友烧到岩岩好，鱼油多又香浓，完全冇泥腥味。鱼皮劲酥脆好似薯片咁，鱼肉仲系好鲜嫩，配埋呢个好Classic法式调酱，酸酸甜甜更开胃。仲会有啲腌酸左嘅洋葱，配鱼肉食又系另一番风味。
🥂Batard’s Signature Roasted Chicken, warm Pilaf Rice★★★★☆
鸡用左本地元朗养饲三黄鸡，经过盐水浸、蒸、烤焗等多个步骤而制成！可能因为主厨系新加坡人，呢道菜式食落有新加坡海南版烤鸡，Lunch Menu系烤鸡半只，外皮做到好香脆，鸡肉好嫩滑多汁。个饭都好食，粒粒分明有咬口，食落有鸡油香，但唯一就系唔够热。
🥂Muscovado Tart, Acacia Honey Ice Cream★★★★☆
有啲似巴斯克芝士挞，芝士味好浓郁，表面有层焦化嘅焦糖面，香脆得黎有阵烧焦味，食落完全唔腻。仲可以配蜂蜜雪糕一齐食，好清甜，我一个食埋同枱个份。
🥂Cold Angel Hair, Kristal Caviar, Kombu $390★★★★☆
幼身天使面加埋冻嘅鱼子酱，捞匀食真系享受。望落好似好寡，但清清地嘅天使面更能够突出鱼子酱嘅咸香味道，非常之「鲜」。
🌟总括：午餐黎讲只需$500/人黎讲好抵食 ！钟意饮酒一定要黎，唔饮得都睇得，可以参观到唔同嘅酒！
张贴
