Shining Restaurant & Lounge (已結業)

今日同朋友庆祝last day去左times quare后面揾食，见到Zing!楼上有间Bar restaurant于是去试下～一入到去就见到张卓球台，有得督住波饮野食野好好feel。不过最令我surprise既系d食物竟然唔系西餐，而系传统茶餐厅／大排档式既中菜，呢个反差相当有趣。好喇讲下今晚我地叫左咩食先～前菜叫左麻辣鸭舌：坚麻坚辣坚入味，鸭舌去晒骨啖啖肉，好食！𩠌方面，职员推荐左我地叫百花马友煎肉饼，话入面加左虾滑，做到弹牙又外脆内滑既肉饼，咸鱼味唔会太咸，肉饼加虾肉原来咁夹，乜酱都唔洗点已经食唔停口！沙嗲猪颈肉煲：猪颈肉好嫩滑，沙嗲味香浓唔系味精死咸，入面仲有粉丝劲挂汁，出色！小炒皇：炒得好香口，仲要好足料，啖啖都系虾干鱿鱼！最后叫埋个主食鼓油王抄面就搞掂，炒面爽口，唔会好油腻，鼓油亦唔会过咸，食完饱肚又唔腻。我地两个人叫左咁多野连埋野饮，埋单唔洗$700，环境又chill，仲有得包房唱k，下次约埋班fd上黎试下先！