Made in HK Restaurant (已結業)

朗豪坊内有间Made in HK既餐厅，平时经过都见到有唔少人食。完全系比佢地既酥皮汤吸引，一放工就决定黎食晚餐。甘笋汤 （转酥皮汤+$20）一向好钟意饮酥皮汤，见到当然要叫！平时跟既餐汤加$20就可转酥皮汤！酥皮汤送上黎时飘来阵阵牛油香🤤 个卖相都几靓仔！食落果然唔错、块酥皮好松化又充满牛油香，而甘笋忌廉汤都唔错。金沙黄金薯条 $58口痕叫左款咸蛋黄小食，食落咸蛋黄香系有既，不过略嫌薯条唔够干身，食落比较腍。焗鸳鸯炒饭 $128鸳鸯分别系肉酱牛柳同比较少食到既鱼肉梅菜香槟忌廉汁既焗饭！佢地既焗饭焗得几好，够热炒饭够干身，我主打食梅菜个款，食落真系个个味道架，好似中式味道由西式方法呈现，好特别！味道都唔错架安格斯肉眼扒 $248铁板餐仲会跟一份焗薯😍 肉眼扒要左三成熟，用铁板上食个时大约五成，食落肉质唔会觉韧，肉味仲几重添，淋上黑松露野菌汁，不错吃。