人和月雞煲火鍋店 (已結業)

老公想食鸡煲，所以我哋特登订枱食酥皮麻辣芝士鸡煲。估唔到6点松少少已经几乎满座🫣。✨Set C 澳洲M4和牛海鲜大满贯 $398/位酥皮麻辣芝士鸡煲 二人份+$58是日入座送芝士焗大虾🍤。弹牙鲜味超满足🤤。鸡煲上枱后，店员会帮手打开酥皮同炒一炒鸡肉。鸡肉辣得嚟又香又麻🤤🌶️，肉质嫩滑，加埋🧀芝士味道层次更丰富。酥皮唔止打卡靓，本身牛油香重，蘸鸡煲酱好惹味。食完鸡煲就可以拣一款边炉汤底。我哋拣咗野菌冬瓜汤，贪佢比较清淡。每枱有牛肉大满贯同🦐海鲜盘各一。澳洲M4和牛肉质软嫩细致，安格斯牛小排肉味好浓郁。拼盘仲包括比较少见嘅牛胸爽。海鲜盘🦐嘅质素好高。鲍鱼大只弹牙，帆立贝好鲜甜。汤底渌完海鲜会更加甜。自助区嘅食物质素都唔错。蔬菜比一般放题店新鲜，丸类都唔系平时食到嘅平价来货。其实仲有得扫QR code落单，有唔少肉类、丸类、饺类。不过我哋饱到只系试到墨鱼滑，粒粒墨鱼肉好足料🤤。最后仲有任食嘅芋圆、仙草、杯装雪糕。🌟120分钟放题够晒食。两个人都食到超级饱。