Cocolo Tokyo Cake Factory (利東街)

营业中

休息中

利东街地库其实有唔少店舖，其中尼间专卖热门苹果批好受欢迎。经过店舖，闻到好香嘅酥皮味，窗厨柜放住个个饱满嘅苹果批，好治疗~~点选咗两款甜点。青森苹果批($35)，个个都胀卜卜，扇子形状，见到层层酥皮，拎上手好有重量，而且热烘烘添~口感方面，日本青森出产嘅苹果甜中带酸味，令内馅酸甜唔会腻，苹果蓉量足料，啖啖都好满足。酥皮酥脆，食到唔停口。三层朱古力蛋糕($28)，蛋糕层真系做到层层分明，每层都好平均，就咁望已经靓。朱古力味浓郁，cream层唔会甜腻，蛋糕轻型。店铺仲售卖多款切件蛋糕、慕丝丝、批类、大蛋糕等，全部嘅卖相都靓一靓。如果口渴，亦有几款日本果味饮品拣，啱哂边叹cake边饮一杯。店铺除左提供数个位置堂食之外，外卖嘅盒子更得意，苹果公仔好搞笑，盒子会用黎装住蛋糕，而单个批类就会用纸袋，打卡一流。