龍鳳冰室 (已結業)

约左朋友平日lunch time喺湾仔食饭，佢介绍食呢间，又试下先。平日放饭时间，湾仔真系劲多OL，基乎间间餐厅都爆。呢间好在等左5分钟就有间，座位都好迫，夹住对手食，拿拿临食完就要走人。我叫左佢既蜜蒜酱烧鸡脾，可以配饭或意粉，另加$3转冻啡。冻啡就正常，但就外卖杯上，唔太环保啰~鸡脾饭个酱系好惹味，会令人食晒成个饭但鸡脾就炸得过干，唔太好食朋友叫左爆辣炭烧肉松鸡扒，个爆辣坚坚坚辣，个味好正，估唔到肉松同鸡扒又几夹，好食过酱烧鸡脾食完真系饮左成樽水都仲觉得辣不过呢个酱汁真系好味讲真食物本身唔太特别，鸡脾鸡扒滑蛋都普通，唔系好特别，食系食佢个酱汁，叫做试过就ok，未至于要回头