水剌韓饍 (已結業)

系我收工赶紧去嘅途中，朋友系 group chat 度弹咗张酱油蟹嘅相出嚟，引我行快两步，心谂仲咩唔等埋我到先叫呀，摊热晒会唔会唔好食架！？ 为咗制止啲口水流，快马加鞭！一上到去，settle down 饮杯热茶暖暖胃，就即刻同只蟹打吓交道。呢次系我第一次食生酱油蟹，咸咸哋，都好入味！yummy yummy 只蟹都算大只，我哋三个人食，如果食晒就食唔落其他嘢。最后包起咗啲等朋友攞番屋企同细妹分享！了解我系牛痴嘅朋友，都估到我会order生牛肉食，每次去到啲比较高级啲韩食舖我必叫项目之一！个哥哥仔等我哋相机食完就帮手捞埋佢。雪梨条我觉得切到粗得滞，但爽甜嘅，加埋主角鲜味生牛肉同生蛋、蒜片，一流！ 韩烧方面，叫咗鲜带子同牛肋骨。带子有八大只，好新鲜；牛肋骨唔嚡、肉嫰，负责烧𠮶位朋友都要赞一下 。我哋仲有叫半只辣鸡 (唔记得咩名) ，同埋一个唔记得咩汤跟饭！啲前菜又可以不停refill，食完饱到我哋要hea多阵抱住个肚先走！