八天堂 (創紀之城五期(apm))

营业中

休息中

抹茶卷雪糕新地 - 底层系抹茶啫喱，中间𠮶一层系忌廉加脆米，上面就系抹茶雪糕加咗黑糖浆，再放上一件抹茶卷蛋（不过琴日食冇货，要玩其他口味，我选择左原味）杯新地其实叫做不过不失，卷蛋部份好食，应该系整杯新地最好食嘅东西。抹茶软雪糕，好涩！（我本人唔太喜爱）只最难食嘅就系黑糖糖浆，佢嘅黑糖糖浆应该系我食过最难食嘅（全香港）抹茶软雪糕沟咗啲忌廉之后一齐食淡化左啲苦涩味，就好食好多，绿茶啫喱都发挥到正常嘅功力，所以我话呢杯新地不过不失。黑糖抹茶牛奶珍珠 - 终极打大佬，呢杯饮品我只系饮咗两啖，第一啖系冇饮到珍珠，因为第一啖饮洛口抹茶味苦涩，咦？点解有啲酱油味？唔知点解佢嘅黑糖融合咗抹茶之后会变出酱油抹茶？！（我只能够讲唔啱我口味，可能有人会钟意酱油抹茶？不过𠮶个唔系我）我尝试鼓起勇气饮第二啖，今次有连埋珍珠，OMG！我输咗🤢我真系冇勇气再饮第三啖，我真系接受唔到（酱油抹茶🤮）佢嘅珍珠到不得了，完全冇弹性唔Q溶溶烂烂咁，基本上用条脷一顶就散晒，超级难食！好似唔知食紧啲咩胶咁……