Yogo Frozen Yogurt (已結業)

晚饭过后个friend话要食乳酪雪糕，喺佢极力推介下就嚟咗。小弟唔食乳酪，亦未听过乳酪雪糕，去咪当见识下咩东东！铺头装修醒神，不过食物的解说就差咗D，只有图加英文解释，对于小弟"大乡里"来说，已经打了折扣。幸好在friend的帮忙下，知道有4种乳酪雪糕的味道，拣咗乳酪雪糕，然后再拣配搭各类碎碎(但欠缺标示，唔知边只打边只)，俾埋钱就成事！个friend拣咗原味乳酪雪糕，配oreo碎(忘记其他是什么)，女朋友拣咗士多啤梨味乳酪雪糕，配朱古力碎及燸米糍，自己就贪过瘾试佢哋𠮶个。外观同普通雪糕无分别，食落的差别也差唔多，系多咗分酸的味道！士多啤梨味乳酪雪糕的士多啤梨味唔强，唔突出，相比原味乳酪雪糕，小弟prefer原味，至于D碎碎呢，可能大粒咗少少，与雪糕一同入口，雪糕食完，D碎碎还在口里未完，加上碎碎D味道入唔到雪糕里面，显得格格不入。整体无咩特别突出，但又未算入唔到口，只系合格货色。