淥鼎記

营业中

休息中

一直都好想试试渌鼎记，今次终于第一次黎食，成场都好爆，一定要book位。今次系食小宝套餐，食完主菜之后打边炉。喺干锅海鲜杂锦，同酸菜鱼之间挣扎，谂左好耐，都系决定食酸菜鱼。上主菜前会有4个小食，正常发挥。想讲酸菜鱼真系非常之出色，系出色过出去好多专食酸菜鱼嘅地方。同行朋友都食到停唔到口，劲夸张，真系好好好好食。餐入面嘅刺身质素都唔错，但啲打边炉嘅海鲜就一般水平。之后就开始打边炉，出面好多蔬菜、水饺类、丸类，都几好食。值得一提系有鸭血、向铃，大加分。肉类方面，安斯格极佳精修肥牛、美国安格斯牛板翼、牛小排、丹麦网猪、伊比利亚黑毛猪都叫过，特别钟意牛板翼同黑毛猪。而饮品都系任饮，好多选择，想无糖就主要都系饮冷泡茶。至于打边炉部份，我地加钱拣左两个汤底，分别系大红袍麻辣锅同花胶美人锅。喺前面几个环节咁精彩之下，期待度自然好高，点知！两个汤底嘅水准就比较失色，尤其系麻辣锅，死咸，完全无香味！！至于花胶美人锅都系冇乜特别，同出面平凡嘅鸡汤差唔多。渌鼎记其他环节都做得咁好，系汤底唔好，真系好可惜呀！！！不过佢最好系不限时，任坐，可以慢慢食，慢慢倾偈，呢方面都加返唔少分！